Başqortstannıñ räsmi citäkçelege respublik xalqına soñğı atnada kön dä diärlek ber-ber artlı qızıqlı yañalıqlarnı äzerläp kenä tora. Uzğan atna azağında ğına prezident Mortaza Räximov witse-premer, mädäniät häm milli säyäsät ministrı Xäläf İşmoratovnı eşennän alıp, bar xalıqnı aptıratqan ide. Älege ğämälne berkem dä kötmägän ide. Çönki moñarçı Xäläf İşmoratovnıñ üz-üzenä ışanıçı mäñge qaqşamas kebek toyıldı.
Ämma respublik citäkçelegendäge bu otstawqa zur boznıñ quzğaluı ğına bulğan küräseñ. Düşämbe könne Mortaza Räximov respubliknıñ tağın ike ministrın beryülı portfelsez qaldırdı. Bu yulı respubliknıñ milek mönäsäbätläre ministrı Zöfär Äbderäximov belän iqtisadıy üseş häm sänägät ministrı Walentin Vlasov üz wazıyfalarınnan alındı. Şunısı diqqätne cälep itä – uzğan atna azağında eşennän alınğan Xäläf İşmoratov prezidentnıñ färmanında «wazıyfalarınnan üz teläge belän kitä» dip äytelgän bulsa, älege ike ministrnıñ urınnarınnan alınuı säbäbe itep, alarnıñ üz wazıyfaların tieşençä ütämäwe kiterelä. Añlaşıluınça, mondıy añlatma belän eştän cibärelü Äbderäximov belän Vlasov äfändelärgä kiläçäktä yuğarı känäfilär biläwgä yulnı şapıldatıp yaba digän süz. Ä bit şuşı ike ministr moñarçı Mortaza Räximovnıñ iñ yaqın keşeläre dip isäplände. Zöfär Äbderäximov xätta prezident belän ber awıldan. Häm alay ğına da tügel, yaqın ğına tuğanı da. Kügärçen rayonındağı Täwäkän awılında bergä qaz kötep yörgän malaylar disäñ dä bula. Walentin Vlasov ta respublik xökümätendä 1992 yıldan birle törle cawaplı citäkçe urınnar bilägän ide. Yañaraq anı Mortaza Räximovnıñ ulı qaramağındağı Başqortstan yağulıq energetiqä qompaniäseneñ direktorlar şurası äğzalığınnan da töşergännär ide.
Respublikta xäzer eşennän alınuçılar isemlegendä kiläse citäkçeneñ kem bulaçağı xaqında farazlar da quyırtıla. Bu keşe, hiçşiksez, eçke eşlär ministrı Rafail Diwayıv bulaçaq digän süzlär çınğa aşıp kilä kebek. Anıñ da ministr känäfiendäge waqıtı sanawlı könnär genä qalğan digän xäbärlär tarala. Respublik prezidentınıñ xökümättä şulay kisken üzgäreşlär başlawı kiñ cämägätçelekne dä, bäysez säyäsät belgeçlären dä törle uylarğa etärde. Mortaza Räximovnıñ üzeneñ dä tizdän prezidentlığın qaldıraçağı xaqındağı xäbärlär dä eş işetelgäç, anıñ üz xökümätendäge ministrlarğa qanığuı, alarğa qarşı başlağan çistartu säyäsäte, älbättä inde küp sanlı sorawlar tudıra. Bu xaqta respubliktağı kiñ bilgele ğälim, iqtisad fännäre doktorı Rinat Ğatawllin fikerlären tıñlap qarıyq.
(Ğatawllin awdio) Sez kürenekle ğälim, iqtisad fännäre doktorı Rinat Ğatawllin belän äñgämäne tıñladığız. Şulay itep, respubliktağı säyäsi xällärgä härçaq tögäl bäyä birüçe şäxes täwge qaraşqa ışanuı da qıyın bulğan fikerlären äytä. Yänäse, Räximov äfände üz ministrların kiläçäktä tağın da üz faydasına eşlätü öçen maxsus räweştä eşlärennän ala. Rinat äfände süzlärençä, ğomumän, Başqortstan säyäsätendä äle iñ xäyläkär ğämällär qılınıp yata.
Ämma respublik citäkçelegendäge bu otstawqa zur boznıñ quzğaluı ğına bulğan küräseñ. Düşämbe könne Mortaza Räximov respubliknıñ tağın ike ministrın beryülı portfelsez qaldırdı. Bu yulı respubliknıñ milek mönäsäbätläre ministrı Zöfär Äbderäximov belän iqtisadıy üseş häm sänägät ministrı Walentin Vlasov üz wazıyfalarınnan alındı. Şunısı diqqätne cälep itä – uzğan atna azağında eşennän alınğan Xäläf İşmoratov prezidentnıñ färmanında «wazıyfalarınnan üz teläge belän kitä» dip äytelgän bulsa, älege ike ministrnıñ urınnarınnan alınuı säbäbe itep, alarnıñ üz wazıyfaların tieşençä ütämäwe kiterelä. Añlaşıluınça, mondıy añlatma belän eştän cibärelü Äbderäximov belän Vlasov äfändelärgä kiläçäktä yuğarı känäfilär biläwgä yulnı şapıldatıp yaba digän süz. Ä bit şuşı ike ministr moñarçı Mortaza Räximovnıñ iñ yaqın keşeläre dip isäplände. Zöfär Äbderäximov xätta prezident belän ber awıldan. Häm alay ğına da tügel, yaqın ğına tuğanı da. Kügärçen rayonındağı Täwäkän awılında bergä qaz kötep yörgän malaylar disäñ dä bula. Walentin Vlasov ta respublik xökümätendä 1992 yıldan birle törle cawaplı citäkçe urınnar bilägän ide. Yañaraq anı Mortaza Räximovnıñ ulı qaramağındağı Başqortstan yağulıq energetiqä qompaniäseneñ direktorlar şurası äğzalığınnan da töşergännär ide.
Respublikta xäzer eşennän alınuçılar isemlegendä kiläse citäkçeneñ kem bulaçağı xaqında farazlar da quyırtıla. Bu keşe, hiçşiksez, eçke eşlär ministrı Rafail Diwayıv bulaçaq digän süzlär çınğa aşıp kilä kebek. Anıñ da ministr känäfiendäge waqıtı sanawlı könnär genä qalğan digän xäbärlär tarala. Respublik prezidentınıñ xökümättä şulay kisken üzgäreşlär başlawı kiñ cämägätçelekne dä, bäysez säyäsät belgeçlären dä törle uylarğa etärde. Mortaza Räximovnıñ üzeneñ dä tizdän prezidentlığın qaldıraçağı xaqındağı xäbärlär dä eş işetelgäç, anıñ üz xökümätendäge ministrlarğa qanığuı, alarğa qarşı başlağan çistartu säyäsäte, älbättä inde küp sanlı sorawlar tudıra. Bu xaqta respubliktağı kiñ bilgele ğälim, iqtisad fännäre doktorı Rinat Ğatawllin fikerlären tıñlap qarıyq.
(Ğatawllin awdio) Sez kürenekle ğälim, iqtisad fännäre doktorı Rinat Ğatawllin belän äñgämäne tıñladığız. Şulay itep, respubliktağı säyäsi xällärgä härçaq tögäl bäyä birüçe şäxes täwge qaraşqa ışanuı da qıyın bulğan fikerlären äytä. Yänäse, Räximov äfände üz ministrların kiläçäktä tağın da üz faydasına eşlätü öçen maxsus räweştä eşlärennän ala. Rinat äfände süzlärençä, ğomumän, Başqortstan säyäsätendä äle iñ xäyläkär ğämällär qılınıp yata.
