Accessibility links

Кайнар хәбәр

Firqäñneñ yünäleşe anıqmı?


Däwlät Şurası utırışları, Prezidentnı bilgeläw çarları belän firqälär tormışı külägädä qaldı. Ä anda da waqiğalar bulıp tora. «Tatar-inform» agentlığı «Tormış» firqäsennän äğzlär kitä bara, digän xäbär bastırıp çığardı. Agentlıq mäğlümatına qarağanda, bu könnärdä, firqäneñ elekke äğzäse Verentsov äfände, belderü yasap, işekne qağıp çığıp kitkän. «Tatar-inform»nıñ internet säxifädä, älege Verentsov äfändeneñ belderüe dä basılıp çıqtı. Anda äytelgänçä, 16 martta bulğan firqä cıyılışınnan soñ, ul älege oyışmadan çığarğa bulğan. Çönki firqäneñ yünäleşe aña bilgele tügel. Başta «Tormış» firqäse, xakimiätlärne tänqitläwçe tügel, a barı tik üz qaraşın belderüçe firqä bulıp tanılğan ide. Firqäneñ cirle citäkçese Räfqat Altınbayıvnıñ Federatsiä Şurasınnan çıqqan soñ, «Tormış» firqäse oppozitsiägä küçte, dip yaza älege xat avtorı. Rusiä Prezidentı Mintimer Şäymievnı Prezident itep saylarğa täqdim itte, ägär «Tormış» firqäse Şäymievqa qarşı bulsa, dimäk «Tormış» firqäse Putinğa da ışanıç beldermi. Verentsov äfände ike ut arasında bulırğa telämi, şuña firqädän kitä ikän.

Bu mäğlümatqa firqäseneñ Qazan bülegendä ber nindi añlatma birmädelär. Moña qädär «Zvezda Povolvja» gäzigite dä, bilgele keşelär «Tormış» firkäsen taşlap kitte, dip yazıp çıqtı. Çıqqannar arasında tatar yazuçısı Rinat Möxämmädiev iseme dä ataldı. Ämma yazuçıdan üzennän, bu xäbärne raslawçı yäki inqär itüçe belderülär kilmäde.



«Berdäm Rusiä» firqäse, aktivlığın arttıra. Populyarlıq qazanu yözennän, firqä, in bäxäsle sorawlarğa cawap birü öçen, qaynar telefon liniäsen eşlätep cibärä. Firqä Çallı häm başqa zur şähärlärdä, cirle bülekçälärendä cıyılışlar ütkärde. Böten respublika qorıltayı aprel ayına bilgelängän.



Bikä Timerova.

XS
SM
MD
LG