Accessibility links

Кайнар хәбәр

Perm ölkäseneñ Barda rayonında Qazannıñ 1000 yıllığına bağışlanğan "Çulman-İdel" isemle bäyge uzdırılğan


Küptän tügel Perm ölkäseneñ Barda rayonı cirlegendä uzğan “Çulman-İdel” isemle bäyge Qazannıñ 1000 yıllığına bağışlanğan. Bu Perm ölkäseneñ Tatar-başqort Milli-Mädäni Möxtäriäte ictimaği oyışması belän Barda rayonı xakimiätı yärdämendä Barda rayon mädäniät yortında, duslıq cimeşe näticäse räweşendä uzdırılğan bäyge, zur bäyrämgä äwerelgän. Permlelär, jüri räise itep, Qazannan TR atqazanğan sänğät eşleklese Mäsgüt İmaşevnı çaqırğannar. Ul inde küp yıllar buyı Qazan teatr uçilişçesendä pedagog bulıp eşläsä dä, perm''lelär anıñ Perm ölkäsendäge xezmätlären äle bulsa bik yaxşı xäterlilär, häm ixtiram itälär. Mäsğüt äfände İmaşev, Azatlıq radiosınıñ Qazan byurosına kilep, üzeşçän sänğät ähelläreneñ, häwäskärlär bäygese turında söyläde. Mäsgut İmaşev şulay uq bäygeneñ şartları turında häm anda qaylardan üzeşçän sänğat kollektivları kilüe turında, häm nindi tör janr buyınça bu bäyge uzdırıluı turında da äytep kitte. Şulay uq ul bäygeneñ laureatları kemnär alar , nindi sänğät töre buyınça ciñüçelär bilgelänüe turında da mäğlümat birde:

Berençe urınnarnı yaulawçılar: Kompozitorlar arasında Oktäberskiy rayonınnan Şärifcan Nurixanov. Ayırım cır buyınça Perm yegete İl''yas Gimatuddinov berençelekne aldı. Ansambllär arasında Barda rayonınıñ “Çulpan” ansamble berençe urınğa çıqtı-”,dide ul.

Şulay uq, Mäsgüt İmaşev “Perm ölkäsendä bu konkursnı uzdıruda zur köç quyğan häm anı uzdıruda matdi yärdäm kürsätep başlap yörüçelär bulğan oyıştıruçılar turında da äytmi kitep bulmıy, dide. Perm ölkäseneñ Tatart -başqort Milli-Mädäni Möxtäriät räise Gozäerov Xälil Mirzıän ulı häm anıñ uñ qulı Barda rayonınıñ xakimiät başlığı urınbasarı Sälim Näcip ulı Nazin,- dip belderde ul. Aldağı könnärgä icadi plannar, xıyallar qorıp yäşägän perm''lelär, yaqın aralarda bu bäygeneñ yomğaqlaw programmasın Perm ölkäseneñ Barda rayonı belän dus-tuğandaş rayon - Tatarstannıñ Arça rayonında kürsätmäkçelär. Ä Qazan şähäre üzeneñ 1000 yıllığın uzdırğan könnärdä alar, 200 çaması Perm tatar- başqortları paroxod belän Qazanğa kilergä cıyınalar ikän. Şulay itep, Perm belän Qazan arası yaqınayğannan yaqınaya bara.

Mälikä Basıyr , Qazan.

XS
SM
MD
LG