Qırğızıstannıñ yaña premiere häm vaqıtlıça prezidentlq vazıyfasın ütävçe Kurmanbek Bakiyev Askar Akayevnıñ prezidentlığı çorındağı eleke premierlärneñ berse. Ul bügen parlamentta yasağan çığışında üzenä ışanırğa çaqırdı.
Audio
"Miña ışansağız höm ışanasız dip añlıym, miña aşığıç räveştä xökümät tözü mömkinlegen biregez. Ul mäñgelekkä, yıllarça xakimiättä qalmayaçaq. Ul tik kiläse saylaularğa qädäre , yaqınça öç ay ğına qalaçaq."
Bakiyevneñ vaqıtlı xökümätendä elekke tışq eşlär ministere Roza Otunbayeva häm elekke mäğarif ministere İşengul Boljurova da ministerlär. Elekke visi-prezident häm elekke eçke eşlär ministere Feliks Kulov vaqıtlı xökümät isemlegenä kertelmäsä dä, ul möhim rol uynayaçaq. Parlament anıñ öçen mäxsus post buldırdı , ul da bulsa milli iminlek öçen cavaplı başlıq. Anıñ kiläse prezident saylaularında kandidat buluı da ixtimal. Şvetsiädä urnaşqan Üzäk Aziä häm Kafkaz isemle jurnalnıñ baş moxärrirı Murad Esenov Kulov belän Bakiyev arasında yaqın kiläçäktä xakimiät öçen köräş başlanaçaq digän fikerdä.
Audio
"Prezident Akayevneñ bornığı opponentı Felix Kulov kiçä irekkä çığarıldı. Anı bigeräktä ilneñ tönyağında yaqlauçılar küp. Ul yaña xökümättä post alırğa teli dip uylıym. Şulay uq anıñ belän Bakiyev arasında qıyınlıqlar çığar dip kötäm. Kulov ilneñ Tönyağın , Bakiyev könyağın väkillek itälär. Qırğızıstanda regionara ayırmalıqlar möhim"
Esenovnñ fikerençä, Kulov belän Bakiyevneñ oppozitsiädä buluları , xakimiätkä kilgän xäldä, alarnıñ Akayevtan başqaça bulaçaqların añlatmıy. Alarnıñ Akayev belän mönäsäbätläre ideologik tügel, ä şäxse säbäplärdän bozılğan.
Audio
"Alar üz vazıyfalarında qalırğa telägän bulsalar da, Akayevqa qarşı çıqtılar. Alarğa kitärgä Akayev quştı. Alar xakimiätät qalğan bulsalar ide , äle dä anda utırırlar ide. Alar demokratiä taraftarı bulğannarı öçen çigenergä mäcbür buldılar dip uylaymıym. Alar xakimiättän çitlätelgännän soñ ğına demokratiä öçen köräşä başladılar Bakiyev belän Akayev yäisä Kulov belän Akayev arasında ideologik fiker ayırmalıqları bar ide dip ışanmıym."
Bakayevneñ xalıqnıñ yaqlauın aluı başqa säbäplärdän dä qıyın bulaçaq. Qırğızıstanda qayberävlär Aksu rayonında 2002-nçe yılda bulğan qanlı vaqiğälär öçen ul vaqıtta premier bulğan Bakiyevne äle dä ğäyeplilär. Ul vaqıtta populär säyäsmän Azimbek Beknazarovnıñ politik motivlı ğäyepläv belän törmägä yabıluına qarşı protestlar bulğan ide. Demonstrantlar belän militisä arasında bulğan bäreleşlär vaqıtında militisä ut açqan, altı keşe üterelgän ide. Bakiyev militisäneñ bu eşçänlegen yaqlağan ide. Şulay da Esenovnıñ fikerençä, xalıq vaqıtlıça oppozitsiä citäkçelärenä ışanıç kürsätäçäk. Läkin, monıñ küpme dävam itäçägen äytü qıyın.
Färit İdelle, Praga.
Audio
"Miña ışansağız höm ışanasız dip añlıym, miña aşığıç räveştä xökümät tözü mömkinlegen biregez. Ul mäñgelekkä, yıllarça xakimiättä qalmayaçaq. Ul tik kiläse saylaularğa qädäre , yaqınça öç ay ğına qalaçaq."
Bakiyevneñ vaqıtlı xökümätendä elekke tışq eşlär ministere Roza Otunbayeva häm elekke mäğarif ministere İşengul Boljurova da ministerlär. Elekke visi-prezident häm elekke eçke eşlär ministere Feliks Kulov vaqıtlı xökümät isemlegenä kertelmäsä dä, ul möhim rol uynayaçaq. Parlament anıñ öçen mäxsus post buldırdı , ul da bulsa milli iminlek öçen cavaplı başlıq. Anıñ kiläse prezident saylaularında kandidat buluı da ixtimal. Şvetsiädä urnaşqan Üzäk Aziä häm Kafkaz isemle jurnalnıñ baş moxärrirı Murad Esenov Kulov belän Bakiyev arasında yaqın kiläçäktä xakimiät öçen köräş başlanaçaq digän fikerdä.
Audio
"Prezident Akayevneñ bornığı opponentı Felix Kulov kiçä irekkä çığarıldı. Anı bigeräktä ilneñ tönyağında yaqlauçılar küp. Ul yaña xökümättä post alırğa teli dip uylıym. Şulay uq anıñ belän Bakiyev arasında qıyınlıqlar çığar dip kötäm. Kulov ilneñ Tönyağın , Bakiyev könyağın väkillek itälär. Qırğızıstanda regionara ayırmalıqlar möhim"
Esenovnñ fikerençä, Kulov belän Bakiyevneñ oppozitsiädä buluları , xakimiätkä kilgän xäldä, alarnıñ Akayevtan başqaça bulaçaqların añlatmıy. Alarnıñ Akayev belän mönäsäbätläre ideologik tügel, ä şäxse säbäplärdän bozılğan.
Audio
"Alar üz vazıyfalarında qalırğa telägän bulsalar da, Akayevqa qarşı çıqtılar. Alarğa kitärgä Akayev quştı. Alar xakimiätät qalğan bulsalar ide , äle dä anda utırırlar ide. Alar demokratiä taraftarı bulğannarı öçen çigenergä mäcbür buldılar dip uylaymıym. Alar xakimiättän çitlätelgännän soñ ğına demokratiä öçen köräşä başladılar Bakiyev belän Akayev yäisä Kulov belän Akayev arasında ideologik fiker ayırmalıqları bar ide dip ışanmıym."
Bakayevneñ xalıqnıñ yaqlauın aluı başqa säbäplärdän dä qıyın bulaçaq. Qırğızıstanda qayberävlär Aksu rayonında 2002-nçe yılda bulğan qanlı vaqiğälär öçen ul vaqıtta premier bulğan Bakiyevne äle dä ğäyeplilär. Ul vaqıtta populär säyäsmän Azimbek Beknazarovnıñ politik motivlı ğäyepläv belän törmägä yabıluına qarşı protestlar bulğan ide. Demonstrantlar belän militisä arasında bulğan bäreleşlär vaqıtında militisä ut açqan, altı keşe üterelgän ide. Bakiyev militisäneñ bu eşçänlegen yaqlağan ide. Şulay da Esenovnıñ fikerençä, xalıq vaqıtlıça oppozitsiä citäkçelärenä ışanıç kürsätäçäk. Läkin, monıñ küpme dävam itäçägen äytü qıyın.
Färit İdelle, Praga.