Belarus räsmiläre kiçä Minskida ütkän qarşılıq çarası uñayınnan cinäyät eşe açtı. Comğa könne prezident Aleksandr Lukaşenkanı urınınnan kitergä çaqırğan çarada meñnän artıq keşe qatnaştı. Militsiä alarnı quıp tarattı, distälägän keşene totqarladı. Militsiä wäkile Oleg Xlebnikov süzlärençä, bu keşelär tınıçlıq bozuda ğäyeplänä, alarğa 3 yılğa qädär törmä yanıy. Oppozitsiä tarafdarları uzğan yılğı referendum häm saylawlar waqıtındağı xärämläşülärgä tänqit belderde. Ul referendum näticäsendä Lukaşenka tağın ber möddätkä prezident bulıp saylanırğa forsat aldı. Qayber demonstrantlar törmägä utırtılğan oppozitsiä citäkçese Mixail Mariniçnı yaqlağan şiğärlär totqan bulğan.
