Räşit Yağfärov: "Bäysezlek turındağı dokumentlarnı yuğaltıp beterdek"

Uzğan şimbädä Räşit Yäğfärov citäklägän Tatar ictimağıy üzägeneñ qorıltayın uzdıru buyınça oyıştıru komitetı utırışı buldı.

2 aprel''dä Tatar ictimaği üzägeneñ çirattağı 8 qorıltayın uzdıru üzäkneñ prezidium utırışında qaralğan bulğan häm xäzer qorıltayğa äzerlek bara. Tatarstandağı häm çit töbäklärdäge üzäk büleklärennän delegatlar saylandı. Monnan tış, küptän tügel Milli Şura iseme astında berläşkän milli cämğiätlär dä, qorıltayğa ayırım üz delegatların saylağannar di Räşit Yağfärov.

BTİÜ idäräsen citäklägän Räşit Yağfärov süzlärenä qarağanda, qorıltay milli xäräkätneñ xäzerge wäzğıättä totqan urının, anıñ eşçänlegeneñ yaña ısulların tikşeräçäk. Ayırım alğanda, Räşit Yağfärov, milli xäräkätneñ bügenge köndä burıçı xalıqnıñ ruxın kütärü, tatarnıñ ruxi berdämlegenä ireşü, şuşı yünäleştä eş alıp baru kiräk dip sanıy. Monıñ öçen, ictimaği üzäk kübräk mäğrifätçelek ideyälären ölge itep quyarğa niätli. Yäğni, tatarlarnıñ traditsion dine İslam aşa, milli berdämlekne buldıru, mäğärif, mädäniät sänğät yünäleşendä eşne cäyelderü, bu ölkälärne yaña ber sıyfat basqıçına kütärü. Tik bu äle bötenläy uram säyäsäten, ğomumän säyäsi köräşne inqär itü digän süz tügel di milli xäräkät wäkile.

Miting, piketlarnı ütkärmibez digän süz tügel. Bälkem, wäzğıät kilep tusa, ul aksiälärdän dä baş tarmıybız

Tatar milli xäräkäte yaña platforma belän eşlärgä tieş, ä ul çitlärdän ğäyep ezläw, kemnärneder ğäyepläwdä tügel di Räşit Yäğfärov

Tarixtağı bulğan waqiğalarğa qarap üç itärgä, üzebezneñ ğäyeplärne başqalarğa taşlarğa kiräkmi. Ä üzebezneñ ruxıbıznı, sıyfatıbıznı kütärergä kiräk

Ä bügenge köndä Tatarstandağı säyäsi wäzğıätne milli xäräkät bolay bäyäli

Tatarstanğa basım bik köçle bara. Bäysezlek turındağı dokumentlarnı yuğaltıp beterdek. İnde respublika prezidentın da Mäskäw bilgeli başladı. Bez monıñ belän kileşmibez. Bez prezident şäxesenä qarşı tügel, ä anıñ Mäskäwdän bilgelänüenä qarşı.

Tatar ictimaği üzäge qorıltayına äzerlek barışı xaqında Räşit Yäğfärov söyläde. Şunısın da äytergä kiräk, TİÜ binasında, küptän tügel bulıp uzğan üzäkneñ tağın ber qanatı saylağan idärä äğzaları da eş itä.

Räfis Cämdixan