Accessibility links

Кайнар хәбәр

Qazanda “Barlaw” festivale başlana


Sişämbe könne 29 martta, 6-9 aprilda Qazanda uzaçaq II Bötentatar häwäskär kompozitorlar festivale -konkursı “Barlaw” ütkärü buyınça jyuri utırışı uzdı. Bu festival'ne Tatarstannıñ mädäniät ministrlığı häm BTK BK Qazannıñ meñyıllığına bağışlap, häm Böyek Watan suğışınıñ 60 yıllığı uñayınnan uzdırıla. Festival'gä Rusiä Federatsiäseneñ törle regionnarınnan , şähär , rayon mädäniät yortlarında xezmät kürsätüçe häwäskär kompozitorlar, däwlät häm ictimaği oyışmalardan barlığı 90 nan artıq kompozitor 300 gä yaqın cır cibärgännär. Alar 23- Rusiä regionnarınnan: Omskidan, Novosibirskidan, Semipalattan, İjawdan, Çiläbedän, Magnitogorskidan, Perm'nän, Mäskäwdän, Başqortstannan, 36- Tatarstan rayonnarınnan, häm 14- Qazannan. Oyıştıru komitetı, jyuri äğzaları , bu cırlarnı tıñlap çıqqannan soñ, iñ yaxşı 15 cırnı saylap alırğa tieşlär.

Bu festival'neñ maqsatı üzeşçän kompozitorlıq icatın üsterü, , talantlarnı ezläp tabu, kompozitorlarnı ber-berse belän aralaştırıp, alarnıñ icatın bayıtu, daimi şöğellängän icatçılarğa yärdäm kürsätü , häwäskär xalıq icatın propagandalaw häm kompozitorlarnıñ avtorlıq milken yaqlaw. Bu cırlarnıñ temaları bik kiñ: tuğan yaq turında , Watan, Qazan, Böyek Watan suğışı turındağı cırlar, häm törle populyar cırlar, djaz h. b.

29 mart könne jyurinıñ utırışı buldı. Jyuri räise Rinat Yenikeev, häm jyuri äğzaları Mirsäyet Yarullin, Sirinä Latıypova, häm Rif Ğataullin.

6 aprel' çärşämbe könne “Barlaw” festivalen açu tantanası Tatar filarmoniäseneñ konsertlar zalında uzaçaq. Ä 7 aprel' könne irtänge yaqta Salix Säydaşev isemendäge konsert Zalınıñ Keçe zalında press –konferensiä uzaçaq. Ä kiçke yaqta Tatarstannıñ 4 rayonında icat törkemnäre Arça, Baltası, Saba, häm Balıq bistäse rayonnarında konsertlar oyıştırılaçaq. Ä 8 aprel' könne Tatar filarmoniäseneñ Konsertlar zalında festival' “Barlaw”nıñ Gala- konsertı uzaçaq. Azatlıq radiosı Mälikä Basıyr , Qazan.

XS
SM
MD
LG