Ğiraqnıñ Milli mäcles deputatları bügenge utırışlarında säğät-yarım bäxäsläşkännän soñ, mäcles räisen sayıly almıyça taralırğa mäcbür buldı. Kiläse utırış yäkşämebgä bilgelände. Bügenge utırış berniçä säğätkä soñarıp başlandı. Şiğilär, kördlär häm sönnilär – urtaq namzät mäsäläsendä urtaq fikergä kilä almadı. Tartqalaşu başlanğaç waqıtlı räis jurnalistlarğa çığıp kitergä quştı. Televideniedä turı translätsiä tuqtatıldı. Waqıtlı premier-ministr Ayad Allawi utırışnı taşlap kitte. Saylawlarda berençe häm ikençe urınnı alğan şiğilär häm kördlär – sönnilärne säyäsätkä qatnaştırır öçen - räis itep sönnine quyarğa teli. Sönnilär citäkçese Ğazi äl-Yawar isä bu wazifadan baş tarttı. Ul vitse-prezident urınına däğwa itä. Ğiraqtan kilgän tağın ber xäbärdä äytelgänçä anda 3 Rumın jurnalsitı xäbärsez yuğalğan. Rumınia räsmiläre, alar ğisyanşılar tarafınnan totıq itep alınğan bulırğa mömkin digän borçular belderä.
