"Rusiä armiäse sälämät yegetlärgä qıtlıq kiçerä. Här 10 ir-atnıñ ni barı 3e xärbi xezmätkä yaraqlı. Qalğannarı psixik awıru, citärlek tuqlanmaw, narkotik qullanu, yä başqa ğömüm säbäplärdän, xezmät itergä yaraqsız." Bu belderüne bügen Rusiä Saqlanu ministrlığınıñ Xärbi-meditsina xezmäte başlığı general İgor Bıkov yasadı. Xärbi xezmätkä çaqıru idaräse başlığı general Vasili Smirnov bu xäl öçen xökümätne ğäyepläde. "Yäşüsmerlärneñ sälämätlegen qayğırtu – xökümät wazifası" dide ul. Uzğan yıl Saqlanu ministrı Sergei İvanov ğäskärgä kilüçelär sanı tübän bulu säbäple Rusiä armiäse cimerelü aldında tora, dip beldergän ide. Rusiädä xärbi xezmätkä çaqıru Aprilneñ berendä başlana. Bıyıl xezmätkä 18 belän 27 yäş araısndağı 155 meñ yeget çaqırılır dip kötelä.
