Livan ğäskärläre Livannıñ könçığışındağı Bekaa üzänlegendä Süriäneñ möhim tikşerü qapqasın üz qaramağına alğan.
Bäyrüt belän Dimäşq arasındağı zur yulda bulğan älege üzgäreş 30 yıl çaması Livanda torğan Süriä ğäskärlären annan çığarunıñ soñğı öleşe başlanunı añlata.
Kiçä BMO wäkile Terje Roed-Larsen Süriä räsmi räweştä üzeneñ Livandağı barlıq ğäskärlären häm küzläw xezmätlären 30-nçı aprel'gä annan çığarırğa kileşte dide.
Roed-Larsen bügen Bäyrüttä Süriä yaqlı Livan xakimiätläre, şul isäptän Prezident Emil Läxüd belän oçraştı.
Söyläşülär Süriäneñ çigenüe häm Süriäneñ barlıq xärbiläreneñ çığarıluın raslaw öçen BMO küzätüçeläre törkemenä fatixa alu bulğan dielä. Söyläşülärdän soñ Roed-Larsen üze citäkçelegendäge törkem BMO İminlek Şurasına uñay xisap tapşırır dip ömetlänüen belderde.
