Accessibility links

Кайнар хәбәр

Tiflis Gruziädän Rusiä xärbi bazaların çığaru öçen kompensatsiä tülärgä cıyınmıy


Bügen Mäskäwneñ Gruziädäge ike Rusiä xärbi bazasın annan çığarğan öçen millionnarça dollarlıq kompensatsiä tüläw taläben Gruziä kire qaqtı. Gruziäneñ Kafkazia-Press xäbär agentlığı Gruziä premyer minsitrı Zurab Nogaydelinıñ Tiflis älege bazalarnıñ yabıluı öçen bernindi kompensatsiä dä tülärgä cıyınmıy digän süzlären tapşıra. Rusiä saqlanu ministrı Sergey İvanov älege bazalarnı Gruziädän çığaru öçen 300 millionlap dollar kiräk bulaçaq digän ide. İvanov ägär dä Gruziä bu aqçalarnı tüläsä çığaru tizräk bulaçaq dide. Gruziä belän Rusiä Batumidağı häm Axal-kalakidağı Rusiä bazaların yabu turında söyläşä. Tiflis sovet çorınnan qalğan bu bazalarnı mömkin qädär tizräk yabunı taläp itä. Küptän tügel Mäskäw alarnı yabu öçen tağın 3-4 yıl kiräk bulırğa mömkin dide.
XS
SM
MD
LG