Başqortstan prezidentı Mortaza Räximovnıñ xakimiättän kitüen taläp itüçe oppozitsiäse citäkçeläre üz tarafdarlarınıñ oçqıç belän Mäskäwgä kitüenä respublika xakimiätläre qomaçawlıy dip belderä.
Başqortstan berläşterelgän oppozitsiäseneñ koordinatsiä şurası räis urınbasarı Mäcit Xucin İnterfax xäbär agentlığına belderüençä, aldan planlaştırılğan 7-nçe aprildäge reys oçışına xakimiätlär yäşeren räweştä qomaçawlıy.
Anıñ äytüençä, bu oçqıçta oppozitsiä tarafdarları Räximovnıñ xakimiättän kitüen taläp itep çıyılğan imzalarnı Mäskäwgä alıp barırğa cıyına.
Xucin äytüençä, oppozitsiä citälçelege 7-nçe aprel'dä Ufadan Mäskäwgä oçaçaq VİM-avia şirkäte oçqıçına barlıq 220 biletnı da satıp alğan bulğan.
