Yewropa Komissiäse Çeçen suğışında zıyan kürüçelärgä 22.5 million eurolıq humanitar yardäm birergä qarar itüen belderde.
Komissiä bu yıl eçendä aqçalata yardäm äle tağın bulaçaq di.
Bu aqçalar berençe çiratta Çeçnädäge, yortlarınnan kitägä mäcbür bulğannarğa häm yardämgä moxtaclarğa, şulay uq İnguşetiä belän Dağstandağı çeçen qaçaqlarına yardäm öçen totılaçaq.
Komissiä fikerençä Çeçnädä yortsız 200 millionlap keşe bar. Alarnıñ kübese kürşe İnguşetiädäge qaçaq lagerları yabılğannan soñ Çeçnägä qaytırğa mäcbür bulğannar.
İnguşetiädä 35 meñläp, Dağstanda 10 meñläp qaçaq qalğan.
Älege aqçalarğa yardäm programmaların tormışqa aşıru ul töbäktäge xalıqara oyışmalarğa tapşırıla.
