İzrail' prezidentı Moşe Katsav belän Süriä prezidentı Bäşär äl-Ässät Vatikanda Rim papası İoann Paulnıñ cenazasında oçraşıp qul qısışqan. Bu turıda İzrail' Radiosı xäbär itä.
Bu räsmi räweştä üzara suğış xälendä bulğan älege ike däwlät başlığınıñ berençe qul qısışuı dip sanala.
İzrail' radiosı äytüençä, cenaza möräsimendä kürşe rätlärdä utırğan Katsav belän Ässät ber bersenä xäyerle irtä teläp qul qısışqan. Radio äytüençä, cenaza yolası tämamlanğannan soñ Ässät Katsav yanına kilep tağın ber märtäbä anıñ qulın qısqan.
İzrail' belän Süriä soñğı märtäbä solıx söyläşülären 2000-nçe yılda ütkärde. Anda süz İzrail' basıp Golan qalqulıqlarınıñ kiläçäge turında bardı.
İzrail' radiosı äytüençä, İranda tuğan Katsav Papanıñ cenazası waqıtında şulay uq İran prezidentı Möxämmät Xatami belän farsı telendä söyläşep alğan. İran räsmi räweştä İzrail' däwläten yuq itärgä teli.
