Bagdad. Pakstan tışqı eşlär ministrlığı bügen, şimbä könne yuğalğan pakstanlı Mälik Möxämmäd Cäwadneñ urlanuın xäbär itte. Mälik Möxämmäd Pakstannıñ Bagdadtağı ilçelegendä eşlägän, şimbä kiçen ul kiçke namazğa kitkän bulğan häm şunnan kire qaytmağan. Anı üzen Ğiraqnıñ İslam ğäskäre dip atağan törkem urlağan, ul Pakstannan Ğiraqqa üz ğäskärlären cibärmäwne wäğdä itüen teli dip xäbär itelä. Pakstan tışqı eşlär ministrlığı yardäm ütenep Ğiraq xakimiatenä möräcäğät itüen belderde.