Lomonosovta 12 xärbineñ xezmättän qaçu eşen tikşerälär

Leningrad ölkäse , Lomonosov şähäre yanında xezmät itüçe 12 yegetne qıynaw faktı buyınça cinäyät eşe quzğatılğan ide. Ele tikşerü eşläre bara. Berük waqıtta Mäskäwdän xärbi-diñgez flotınıñ general ştab başlığı urınbasarı Vladimir Pepeläyev citäklägän komissiä dä eş alıp bara. “Peterbur soldat anaları”ictimağı oyışması räise Ella Polyaqova äytüençä, komissiäneñ eşe başta cinäyät qılınmağannı isbatlarğa tırışudan ğibärät bulsa, xäzer döreslekne tabuğa yünälgän. Ğomumän,cämğiätneñ uylaw räweşendä inqilap uzğan kebek di Ella Polyaqowa . Kronştadt xärbi ğarnizonı prokurorı Valeriy Şirokov äytmeşli, qıynalğan yegetlär, adwoqat, proquror, “Soldat anaları”-bötenese ber oqopta bulıp çığa (“Soldat analarınıñ “10 yıldan artıq eşe däwerendä berençe tapqır). Yegetlär bügenge köndä Kronştadt garnizonında, alarnı ayırım totalar. Advokat Yelena Filonova qıyınlıq belän genä bulsa da, alar yanında bulğan : könküreş şartları yaxşı di, ämma moral yaqtan bik ük şäp tügel . Şunısı quanıçlı, Tatarstan xökümäte , çıltıratıp,bälägä yulıqqan balasınıñ xäle belän qızıqsınğan. Bu, älbättä, nindider däräcädä moral yärdäm inde. ”Peterbur soldat anaları” qıynalğan yegetlärneñ tuğannarına çıltıratıp çıqqan, häm İvanovo, Rostov, Tübän Novğorod, Çuwaşstan, Voronejdan ata - analar Peterburğa cıyıla başladı. “Peterbur soldat anaları” ata- analar belän bergäläp yegetlärne xezmätkä alu zakonlı bulğanmı, yuqmı ikänen açıqlaw eşen başlayaçaqlar 12 keşeneñ 3 se hiçşiksez zakonsız räweştä xärbi xezmätkä alınğan dip sanıy “Soldat anaları”. Yegetlärne Petergofqa alıp kilgän Paşa Krılovnı Krasnoselskiy rayon xärbi komissariatı wäkile häm militsioner öyennän kerep alıp çığıp kitkännär. Yegetkä ber çaqıru qäğäze kilmäsä dä. Diagnoz da xärbi xezmät öçen yaraqlı tügel - gastrit häm 20 kilogramm awırlıq citmäw. İkençese-bötenläy başqa sıyarlıq tügel-umırtqa söyäge sınğan bulğan. Berse awır psixik çir belän integä. Tikşerü eşläre 2 ay däwam itäçäk, çönki prokuror Valeriy Şirokov mäxkämägä yaxşı itep äzerlänergä teli di Ella Polyaqowa. 12 yegetneñ altısın gospitälgä salaçaqlar, ä qalğannarın tärbiäle keşelär bulğan keçkenä çästkä cibärergä tieşlär dip ışandırdı “Peterbur soldat anaları” ictimaği oyışması räise Ella Polyaqova.

Gölzada Kamalova, Peterbur