Accessibility links

Кайнар хәбәр

Ciñügä 60 yıl – veterannarnıñ xäle niçek?


Mäskäw ölkäseneñ Puşkina şähärendäge Xämdiä Ramayıwa citäkçelegendäge “Wazifa” oyışması mäskäwdä suğış veterannarı belän oçraşu oyıştırdı. Bu oçraşuğa yegermegä yaqın suğışta qatnaşqan , şul uq waqıtta tılda eşlägän olı yäştäge millättäşlärebez kilgän ide. Oçraşu Xalik Şäfiğullinnıñ “Xarbin” restoranında ütte. Veterannar öçen qunaq tabının da Xalik Şafiğullin oyıştırğan. Bu oçraşuğa kilgän cırçı Renat İbrahimov veterannarğa video häm audio kassetalarğa yazılğan cırların da büläk itte. Oçraşuda “Yärdäm” mäçete imamı Zinnur xäzrät suğışta häläk bulğannar ruxına Qor’ännän ayätlär uqıdı. Veterannar oçraşuında suğıştan soñ üzlären xärbi xezmätkä bağışlağannar da, äsir töşep Mağadan lagerlarında utırıp qaytqan millättäşlärebez dä bar ide. Mansur abıy Ğarifullin mäsälän polkovnik bulıp yalğa çıqqan. Ul üze tumışı belän Tatarstannıñ Çistay rayonı Narat yılğa awılınnan.Tatarstanğa yıl sayın qaytam, yäşel üzändä tuğanım tora di Mansur abıy. Anıñ tağı ber tuğanı Germaniädä yäşi ikän. Anda da bulğanım bar. Andağı tormışnı da üz küzzrem belän kürgänem bar di ul. Läkin bez ciñüçelär bulsaq ta bezneñ tormış bik awır,monnan awır tormış bulmas di Mansur Ğarifullin. Min üzem tormışımnan känäğät bulsam da, xalıq bik awır yäşi, şuña canım ärni di ul. Sezneñ iğtibarğa tağı ber veteranı. Rifqat abıy Valeev suğışnı Stalingradtan başlağan. Berlinnnı aluda, Praganı azat itüdä dä qatnaşqan. İkençe frontnıñ bezgä bik zur yärdäme tide dip sanıy Rifqat Valeev. Çönki alar bezne azıq tölek, qoral , kiem belän teemin ittelär di Rifqat Valeev. Bügenge köndä üzeneñ xälenä kilgändä, aşarğa eçärgä pensiä aqçam citüen citä, läkin başqa çığımnarğa ber dä qalmıy di ul. Tağı ber suğış veteranı - Safa Gällämov. Ul Tubän novgorod ölkäsennän. Ul 43 yılda äsir töşkän, 45 yılda rusiä armiäse azat itkännän soñ anı turıdan turı Magadanğa ozatqannar. Xodaynıñ räxmäte belän añar anda ozaq utırırğa turı kilmägän. Läkin Mağandannan soñ elekke äsirneñ barlıq orden medal’lären xärbi bülektä alıp qalğannar. Bügenge köngä qädär ul alarnı ala almıy integä. Min çolğanışqa qalıp, kontuziä alıp äsir töştem. Magadanda da ber yıl çaması ğına utırdım. Läkin orden medal’lärem yuqqa çıqtı. Äsirlektä bulğanım öçen tartıp alğan idelär, äle haman da qaytarğannarı yuq di Safa abıy Gällämov. Näzifä Kärimova, “Azatlıq” radiosı Mäskäw.
XS
SM
MD
LG