Rafael Baydäwlätov citäkçelegendäge Başqortstan räsmi wäkillege comğa irtäsendä Törkiägä eş säfäre belän kitte. Älege säfär ike kön däwam itä häm anda bixisap oçraşular oyıştıru, eşlekle söyläşülär alıp baru qaralğan. Säfär barışında üzara xezmättäşlek turında qayber kileşülär dä imzalanaçaq häm iñ möhime – İstanbulda Başqortstannıñ Daimi wäkilçelegen açu tantanası ütäçäk. Başqortstan wäkillegeneñ Törkiägä bu säfäre ike aradağı bäyläneşlärne yaña basqıçqa kütärergä tieş, – dip belderä Başqortstan Tışqı iqtisadıy bäyläneşlär häm säwdä ministrlığınıñ matbuğat süzçese Möxämmät Bağişayıv. (audio)
