Ğiraqnıñ Tikrit şähärendä, politsiä mäktäbe cirendä 2 maşinada intixarçılar bombalar şartlatıp kimendä 6 keşene üterde, distälärçä keşene yaraladı.
Ğiraq politsiäse äytüençä, intixarçılarnıñ berse maşina belän politsiä mäktäbe qapqası aşa kergän häm politsiä xezmätkärläre cıyılğan urınğa kilep bomba şartlatqan.
Yaqın tirädäge keşelär bu şatlawdan yaralanuçılarğa yardäm itärgä cıyılğaç ikençe maşina kilep tağın bomba şartlatqan.
Bu atna axırında Ğiraqta kimendä 15 keşe hälak buldı. Alar arasında 9 ğiraq soldatı, ber ğiraq jurnalistı, häm ber AQŞ xärbie dä bar.
