Bügen irtän Yaponiäneñ Osaka şähärendä yulçılar tulı poez yulınnan töşep ber yortqa kilep bärelde, kimendä 52 keşe hälak bulğan, yözlärçäse yaralanğan. İmperator Akihito ğailälärneñ tirän qayğısın urtaqlaştı:
"Poez häläkätendä bik küp keşeneñ ğömere özelde. Küp keşe yaralandı. Bu turıda uylağanda da yörägem awırta. Ğailälärneñ nindi qayğı kiçerülären küz aldıma da kiterä almıym," dide Yaponiä imperatorı.
Räsmilär, häläkät öçen 23 yäşlek poez yörtüçese ğayeple, dip belderde. Poez tizlegen arttırğan bulğan. 7 vagonlı poezda 580 yulçı bulğan. 300gä yaqın keşe xastaxanägä salınğan.
Bügenge kebek faciğaneñ soñğısı Yaponiädä 1963nçe yılda bulğan ide. Ul çaqta Yokohama şähäre yanında poezlar bäreleşep 160qa yaqın keşe hälak buldı.
