Accessibility links

Кайнар хәбәр

Yaqın Könçığış tınıçlıq söyläşüläre Mäskäwdä ütäçäk


Bügen biredä Rusiä häm Misır prezidentları, Vladimir Putin häm Hösni Mubarak oçraştı. Söyläşülärdän soñ ütkärelgän matbuğat oçraşuında ike il citäkçeläre Ğiraqta Berläşkän Millätlär Oyışması rolen arttıru kiräklege turında belderde. Rusiä prezidentı Putin Yaqın Könçığış tınıçlıq söyläşülären bıyıl Mäskäwdä ütkärüne täqdim itte: "Közen bez Mäskäwdä böten yaqlar, şul sanda aradaşçılar qatnaşında xalıqara konferensiä ütkärä alabız," dide Putin. Yaqın Könçığıç tınıçlıq prosessında Rusiä, AQŞ, Yevropa Berlege häm BMO aradaşçılıq itä. Fälestin premyer-ministrı urınbasarı Nabil Şaath, täqdimne xupladı. İzrael tışqı eşlär ministrlığınıñ matbuğat wäkile Mark Regev, İzrael, Mäskäwdä cıyıluğa qarşı tügel, läkin añarçı eşlänäse eşlär küp äle, dip belderde. Misırğa Putin kiçä kilde. Bu Rusiä ilbaşınıñ soñğı 40 yıl eçendä Misırğa berençe tapqır kilüe. Bügen Rusiä prezidentı İzrael häm Fälestin cirlärenä yul tottı. Ul arada Gaza sızığındağı Guş Xatif yähüd utarında bügen İzraelneñ Gazadan çığıp kitüenä qarşılıq belderep 15 meñgä yaqın keşe uram cıyını oyıştırdı. İzrael planı nigezendä Gaza sızığındağı 21 yähüd utarı häm Könbatış Yarnıñ tönyağındağı 4 awıl barısı da çığarılırğa tieş.
XS
SM
MD
LG