Saylawlarğa ber atna qalğanda Bitaniä premyer-ministrı Tony Blair'ğa Ğiraq suğışı mäs'äläsendä basım yasala. Çärşämbe könne dönya kürgän tikşerü näticälärendä, Blair'nıñ qanunnar mäs'äsäläsendäge kiñäşçese, general prokuror Lord Goldsmith'nıñ Berläşkän Millätlär Oyışması İminlek Şurası rezolüsiäse bulmıy torıp suğış başlaw – qanunsız ikänen beldergäne turında yazılğan. 10 kön uzğaç Goldsmith, cämäğätçelek aldında, suğış başlaw – legal dip beldergän. Oppozisiädäge säyäsätçelär, Goldsmithqa säyäsi basım yasalğan dip farazlıy. Ämma Blair bügen üzeneñ suğışqa kerü qararın yaqlap çıqtı. "Prokuror, Ğiraq suğışın başlaw qanunlı, dip belderde. Bu belderüdän soñ ul, suğışnı İminlek Şurası rezolüsiäse bulmıy torıp başlaw – säyäsi yaqtan döres adım bulırmı digän soraw quydı. Ul çaqta da, xäzer dä äytäm –Saddamnı çitläşterü häm anı törmägä utırtu ul çaqta bu il häm dönya iminlege öçen eşlände" dide Blair. Blair administrasiäse bügen general prokurornıñ yäşeren belderüen iğlan itte. Moña qadär Britaniä premyerı monı bäyän itüdän baş tartqan ide.
