Comğa könne Ufada Başqortstannıñ Berläşkän oppozitsiä köçläre qoordinatsiä şurası üzeneñ çirattağı utırışın ütkärde. Anda 1 mayda Ufada ütäçäk uram cıyınına äzerlek mäsäläläre tikşerelde. İñ täwdä älege şura räise, BR Tatar cämägätçelek oyışmaları berlege räise Ramil Bignov çığış yasap, 1 may belän 9 may bäyrämnäre çorına, täğayın äytkändä 15 mayğa qädär oppozitsiä köçläreneñ säyäsi taläplärdän tıyılıp toraçağı xaqında äytte. Bu xaqta respublik citäkçelege belän törle partiälär, ictimağıy häm dini oyışmalar wäkilläre bu atnanıñ sişämbesendä qabul itkän urtaq Belderüdä dä äytelä. Ul Belderüne Başqortstan Berläşkän oppozitsiäse Qoordinatsiä şurası räise Ramil Bignov, şulay uq bu şurağa kerüçe «Rus'» säyäsi-ictimağıy oyışması räise Anatolıyy Dubovskiy, «Yabloqo» partiäseneñ Başqortstan bülege räise İğor' Rabinowiç häm başqalar da imzaladı.
Ramil Bignov äytüençä, Başqortstan oppozitsiäse tarafdarları 1 mayda Ufanıñ Lenin isemendäge mäydanında mitingqa çığaçaq. Ämma anda xaqimiätlärgä qarata säyäsi taläplär dä, qatğıy belderülär dä yañğıramayaçaq. «9 mayda da, weterännarğa xörmät yözennän, säyäsi taläplärdän tıyılıp toraçaqbız, – di Ramil Bignov. – Läkin bu oppozitsiäneñ waqıtlıça ğına çigenep toruı. Bez üzebezneñ moñarçı kütärgän töp taläplärebezdän baş tartmıybız».
Utırışta başqa çığış yasawçılar da bäyrämnär çorında oppozitsiä tarafdarlarınıñ berdäm bulırğa tieşlegen, barı tik tatulıqqa, añlaşıp yäşäwgä çaqırğan şigärlär genä yañğıratırğa tieşlegen assızıqladı. Söyläşü azağında oppozitsiä wäkilläre, üzläreneñ säyäsi taläplär belän yañadan çığış yasıy başlaw waqıtı turında kileşü öçen, bäyrämnärdän soñ, may urtalarında kiñäytelgän utırışqa cıyılıp fiker alışırğa buldılar.
Berläşkän oppozitsiägä kerüçe oyışmalar älegä xaqimiätlär belän qapma-qarşılıqtan tıyılıp torsa da, respublik citäkçelege qulındağı räsmi matbuğat basmaları äle haman da oppozitsiägä höcümne tuqtatmıy. Misal öçen, başqort telendä çığuçı «Başqortstan» gäzite üzeneñ bügenge sanındağı ike bitne tulısınça tağın oppozitsiägä pıçraq atuğa bağışlağan. Törle oyışmalar häm ayırım keşelär isemennän kilgän möräcägätlärdä oppozitsiä citäkçeläre qatı tänqit utına totıla. Bu eştä ayıruça milläte buyınça keräşen tatarı bulğan ölkän yäştäge yazuçı Näcip Asanbayıv zur tırışlıq kürsätä. Elekke könnärdä respubliktağı başqa räsmi gäzitlärdä dä anıñ oppozitsiä citäkçelärenä häm tatar milli oyışmalarına ğäip taşlağan yazmaları dönya kürgän ide.
Ğomumän, respublikta säyäsi-ictimağıy xällärneñ kierenke buluına yañadan-yaña faqtlar östälä. Atnaqiç könne Ufa şähäre merı Pawel Qaçqayıv ta şuşı wazıyfalarnı üti başlağannan birle üzeneñ iñ borçulı könen ütkärgänder, möğayın. Biredä kiçä Ufa şähäre Sowetınıñ çirattan tış sessiäse bulıp ütte. Anda deputatlarnıñ ber öleşe üz çığışlarında başqala merı Pawel Qaçqayıvqa küp ğäiplär attı häm anıñ eşen qänägätlänerlek tügel, dip bäyäläde. Şul uq waqıtta ul deputatlar şähär saylaw qomissiäse eşenä dä tiskäre bäyä birde. Pawel Qaçqayıv isä barlıq ğäipläwlärne kire qağarğa tırıştı. Mäğlüm buluınça, 26 iyündä respublikta urınnardağı üzidärä orğannarına, şul isäptän Ufa şähäre Sowetına da saylawlar ütäçäk. Säyäsi belgeçlär respublik başqalası merı belän şähär sowetı deputatları arasındağı tartqalaşnı şul saylawlar aldınnan bulğan mönäsäbätlär açıqlaw dip bäyäli. Comğa könne Ufa şähäre saylaw qomissiäse citäkçelege, deputatlarnıñ däğwalarına bäyä birüne sorap, respublik proqurorına möräcägät itte. Şulay itep räsmi xaqimiätlär respubliknıñ yaña proqurorın cayı çıqqan sayın üzen yaqlawda küsäk itep faydalanırğa omtıla.
Ramil Bignov äytüençä, Başqortstan oppozitsiäse tarafdarları 1 mayda Ufanıñ Lenin isemendäge mäydanında mitingqa çığaçaq. Ämma anda xaqimiätlärgä qarata säyäsi taläplär dä, qatğıy belderülär dä yañğıramayaçaq. «9 mayda da, weterännarğa xörmät yözennän, säyäsi taläplärdän tıyılıp toraçaqbız, – di Ramil Bignov. – Läkin bu oppozitsiäneñ waqıtlıça ğına çigenep toruı. Bez üzebezneñ moñarçı kütärgän töp taläplärebezdän baş tartmıybız».
Utırışta başqa çığış yasawçılar da bäyrämnär çorında oppozitsiä tarafdarlarınıñ berdäm bulırğa tieşlegen, barı tik tatulıqqa, añlaşıp yäşäwgä çaqırğan şigärlär genä yañğıratırğa tieşlegen assızıqladı. Söyläşü azağında oppozitsiä wäkilläre, üzläreneñ säyäsi taläplär belän yañadan çığış yasıy başlaw waqıtı turında kileşü öçen, bäyrämnärdän soñ, may urtalarında kiñäytelgän utırışqa cıyılıp fiker alışırğa buldılar.
Berläşkän oppozitsiägä kerüçe oyışmalar älegä xaqimiätlär belän qapma-qarşılıqtan tıyılıp torsa da, respublik citäkçelege qulındağı räsmi matbuğat basmaları äle haman da oppozitsiägä höcümne tuqtatmıy. Misal öçen, başqort telendä çığuçı «Başqortstan» gäzite üzeneñ bügenge sanındağı ike bitne tulısınça tağın oppozitsiägä pıçraq atuğa bağışlağan. Törle oyışmalar häm ayırım keşelär isemennän kilgän möräcägätlärdä oppozitsiä citäkçeläre qatı tänqit utına totıla. Bu eştä ayıruça milläte buyınça keräşen tatarı bulğan ölkän yäştäge yazuçı Näcip Asanbayıv zur tırışlıq kürsätä. Elekke könnärdä respubliktağı başqa räsmi gäzitlärdä dä anıñ oppozitsiä citäkçelärenä häm tatar milli oyışmalarına ğäip taşlağan yazmaları dönya kürgän ide.
Ğomumän, respublikta säyäsi-ictimağıy xällärneñ kierenke buluına yañadan-yaña faqtlar östälä. Atnaqiç könne Ufa şähäre merı Pawel Qaçqayıv ta şuşı wazıyfalarnı üti başlağannan birle üzeneñ iñ borçulı könen ütkärgänder, möğayın. Biredä kiçä Ufa şähäre Sowetınıñ çirattan tış sessiäse bulıp ütte. Anda deputatlarnıñ ber öleşe üz çığışlarında başqala merı Pawel Qaçqayıvqa küp ğäiplär attı häm anıñ eşen qänägätlänerlek tügel, dip bäyäläde. Şul uq waqıtta ul deputatlar şähär saylaw qomissiäse eşenä dä tiskäre bäyä birde. Pawel Qaçqayıv isä barlıq ğäipläwlärne kire qağarğa tırıştı. Mäğlüm buluınça, 26 iyündä respublikta urınnardağı üzidärä orğannarına, şul isäptän Ufa şähäre Sowetına da saylawlar ütäçäk. Säyäsi belgeçlär respublik başqalası merı belän şähär sowetı deputatları arasındağı tartqalaşnı şul saylawlar aldınnan bulğan mönäsäbätlär açıqlaw dip bäyäli. Comğa könne Ufa şähäre saylaw qomissiäse citäkçelege, deputatlarnıñ däğwalarına bäyä birüne sorap, respublik proqurorına möräcägät itte. Şulay itep räsmi xaqimiätlär respubliknıñ yaña proqurorın cayı çıqqan sayın üzen yaqlawda küsäk itep faydalanırğa omtıla.
