Accessibility links

Кайнар хәбәр

Taciqstan İslam Yañarışı Partiäse prezidentnıñ Cämäğät Şurasında eşçänlegen tuqtata


Monıñ belän ul küptän tügel ütkän parlament saylawlarında demokratik şartlar bulmawğa protest belderä. Partiä süzçese Xikmätulla Säyfulla-zadä Azatlıq radiosına bolay dide.

AUDİO: Taläplärneñ berse saylawlardağı qanu bozularnı tikşerü häm Düşänbe şähärendä yaña tur saylawlar üktärü ide. Ul ütälmäsä İslam Yañarışı şuradan çığu belän yanadı. Şuña kürä partiä Cämäğät Şurasında äğzalıqnı tuqtatıp torırğa qarar itte.

Prezident Emomali Raxmonov citäkçelegendäge Cämäğät Şurasına ildäge barlıq säyäsi partiälärneñ, xökümättän bäysez oyışmalarnıñ häm mädäni cämğiätlärneñ wäkilläre kerä. Kiçä Demokratik Partiä dä üz citäkçeseneñ qulğa alınuına, häm ütkän saylawlarnıñ demokratik bulmawına protest belderep şurada eşçänlegen tuqtatuın beldergän ide. Demokratik Partiä räise Mäxmädruzi İskändärov terrorçılıqta, röxsätsez qoral yörtüdä häm däwlät aqçasın üzläşterüdä ğäyeplänep qulğa alındı.
XS
SM
MD
LG