İke yaq törle ölkälärdä, iqtisadtan alıp terrorğa qarşı köräştä xezmättäşlekne kiñäytü turında kileşte. Şulay uq mäğärif, mädäniät häm iminlek ölkälärenä qağılışlı kileşülär qabul itelde. Bügenge kileşülärne Rusiä prezidentı Vladimir Putin "yul kartası" dip atadı, häm alarnı – berläşkän, çiklärsez Yevropağa taba zur adım, dip bäyäläde: "...älege kileşülärne ğämälgä kertü keşelärneñ aralaşuın ciñeläytäçäk, humanitar, säwdä häm iqtisadi xezmättäşlekne üsteräçäk, keşe xoquqlar torışın, şul sanda az sanlı xalıqlar xälen yaxşırtaçaq," dide Putin. Yevropa Berlege räsmiläre süzlärenä qarağanda, vizalar häm qanunsız möhacirlär turında söyläşülär äle däwam itäçäk.
