Accessibility links

Кайнар хәбәр

Rusiä Gruziä yanawlarına cawap qaytardı


Rusiä Däwlät Duması, bügen, Rusiä Gruziädän xärbi bazaların çığarunı tizlätmäsä çaralar küräçäge turındağı belderüenä cawap itep, ägär çınnan da şundıy çaralar kürelä qalsa, Rusiä xökümätenä cawapsız qalmasqa sorap möräcäğät itte. Deputatlar, Rusiäneñ Gruziä watandaşlarına viza birmäwen häm energiäne täeminatın çikläwne täqdim itte, älege rezolüsiä öçen utırışta qatnaşqan 414 deputatnıñ barısı diärlek xuplap tawış birde, ike keşe qarşı çıqtı. Dumadağı BDB eşläre komitetı räise Andrei Kokoşin, Gruziä räsmilären töbäktäge Rusiä ğaskärläreneñ iminlegenä qurqınıç tudıra, dip belderde: "Gruziä belän Rusiä arasındağı mönäsäbätlär Gruziä ğäyebe belän körçekkä terälä. Gruziäneñ bu adımnarı, Rusiä xärbiläreneñ sälämätlege häm milkenä genä tügel, ä andağı sivil keşelär häm alarnıñ ğailälärenä qurqınıç tudıra." İke ay elek Gruziä deputatları, ägär dä Mäskäw belän Tbilisi 2 xärbi bazanı 15 mayğa qadär yabu turında kileşä almasa, alarnıñ Gruziädä qaluın qanunsız dip iğlan itü öçen tawış birgän ide.
XS
SM
MD
LG