Bıltır Tönyaq Osetiäneñ Beslan şähäre mäktäbendä 330-lap keşeneñ ülemenä kitergän totıqlar aluda qatnaşqan Nurpaşi Kulayevnı xökem itüe eşe başlandı.
Totıq aluçılar arasınnan barı tik Kulayev qına isän qalğan dip sanala.
Tönyaq Osetiä başqalası Vladikafkazda açılğan mäxkamädä aña qarşı üterü häm terrorçılıq ğäyepläwläre belderelä.
Kulayev Beslan mäktäbendä totıqlar alğan terrorçılar arasında bulğanlığın tanıy, ämma berkemne dä ütermädem dip täqrarlıy.
Belsan waqıyğalarına bäyle parlament tikşerüe eşe däwam itä häm ul bu cäy axırına tämamlanır dip kötelä.
