Kürenekle eşmäkär Mixail Xodorkovskiyğa xökem qararın iğlan itüçe Mäskäw mäxkamäse utırışında çärşämbegä qädär tänäfes iğlan itelde.
Bügen xäkim Xodorkovskiyğa häm anıñ käsepçelek partnerı Platon Lebedevqa qarşı çığarılğan 7 ğäyepläwneñ 6-sı turında ğäyepläw yomğaqlawların uqunı tämamladı.
Bügen uqılğan yomğaqlawlarğa qarağanda alar ğäyeple digän qarar çığarılır kebek.
Ämma añarçı mäxkamä äle şahitlär çığışlarınıñ yomğaqların uqırğa tieş.
Xäbärlärgä qarağanda mäxkamä alarğa qarşı çığarılğan ğäyepläwläreneñ küpçelegen tanığan. Şulay da Lebedevnıñ advokatı Yelena Lipster mäxkamä uqularında nıqlı ğäyepläw qararı bulmadı di.
Ägär dä Xodorkovskiyğa qarşı çığarılğan 7 ğäyepläwneñ barısı da tanılsa aña 10 yıllıq törmä cäzası birelergä mömkin.