Accessibility links

Tatarstanda çittäge tatarlarnı «Bällür Qäläm» belän büläklädelär


Respublikada ütä torğan «Media-forum» iñ yuğarı noqtasına citte. Pänceşämbe könne, mäğlümat çaraları alleyası açıldı, «Bällür qäläm» jurnalistlar bäygesendä ciñüçelärne büläkläw buldı, Kamal teatrı qarşında «Mäğlümat çaraları» mäydançığı eşläde. Anda respublikada eşläwçe gäzit xezmätkärläre, üz basmaları belän uquçılarnı tanıştırdı, yazılırğa mömkinlek birde, uquçıları belän aralaştı. 19 mayda, tağın, jurnalistlar zarığıp kötä torğan, «Bällür qäläm» bäygesendä ciñüçelärne qotlaw çarası da buldı. Ul Piramida üzägendä ütkärelde. Ciñüçelärne xökümät räise Röstäm Miñnexanov büläkläde, büläk aluçılarnı ministrlar, zur oyışma citäkçeläre, xätta respublika prokurorı da qotladı. Bıyılğı ciñüçelär arasında Tatarstandağı tatar jurnalistikası wäkilläre häm çittäge millättäşlärebez dä bar. Mäsälän, «Tuğan tel» digän nominatsiädä Tübän Novgorod ölkäse, Qızıl Oktäber rayonındağı «Awılım xäbärläre» näşriät yortı eşçänlege öçen, Kamil Fätxullin büläklände. Mäskäwdä çığa torğan «Tatarskie novosti» gäzite xäbärçese Aliä Sabirova da maxsus büläk aldı. Ul gäzitne näşer itüçe eşmäkär İlyaz Möslimov häm «Tatnet yoldızları» bäygesen başlap yörüçe Aynur Sibğatullin da «Media» lider digän nominätsiädä Bällür qäläm aldı. Tatarstannıñ Mäskäwdä wäkillege matbuğat üzäge dä maxsuslaşqan nominatsiädä ciñü yawladı.



Bikä Timerova.

XS
SM
MD
LG