Accessibility links

Кайнар хәбәр

Almaz Kamalov üz yortı xäräbäläre astında qaldı


19 mayda, Şapov uramında tözelä torğan yortnıñ diwarı işerelep, 3 keşeneñ ğömere özelgän. Ul keşelärneñ kem buluı açıqlanğaç, alar zur urınnarda eşlägän däräcäle citäkçelär bulıp çıqtı. «İntertat» agentlığı xäbär itkänçä, ülgännärneñ berse, 1959 yıldan tuğan, Rusiä Prezidentı idäräse qarşındağı regional säyäsät komitetı räise urınbasarı Almaz Kamalov bulıp çıqtı. İkençe keşe, eçke eşlär ministrlığınıñ elekke xezmätkäre Färit Sönnätullin bulğan. Öçençe keşeneñ şäxese äle açıqlanmağan. Alar belän bergä tağın ber ir-at bulğan, dip xäbär itelä, ämma ul, xäräbälär taratılğaç, añına kilep, üze öyenä qaytıp kitkän. «İntertat» xäbär itkänçä, bu Rusiä prezidentı idäräse qarşındağı komitet xezmätkäreneñ yaña tözelä torğan şäxsi yortı bulğan. Almaz Kamalov andağı eşlär belän gel qızıqsınıp yörgän. Diwar işerelü tönge 1dä bula. İr keşelärneñ, tönlä, tözeleş yanında, närsä eşläwe turında xäbär itelmi.

XS
SM
MD
LG