Accessibility links

Ästerxan, Sarıtaw tatar şähärläre bulğanmı?


Soñğı yıllarda Qazan tarixına ğalimnär, arxeologlar, tarixçılar zur iğtibar birä başlawı mäğlüm. Bilgele bu berençe çiratta Qazannıñ 1000 yıllığı belän bäyle. Törle açışlarnıñ näticäläre fänni kitaplarda urın ala başladı. Ägär elek başqala tarixı turında xezmätlär sanawlı ğına bulsa, xäzer uramnıñ här çatında tösle-tösle Qazan turındağı kitaplarğa tap bulasıñ. Konferensiäneñ açılışında süz Qazanğa bäyle fänni xezmätlär turında bardı. “Древняя Казань”, “Все об истории города Казани”, “Borınğı Qazan – yaña arxeologik açışlar” bu konferensiädä bäye birelgän, başqala turındağı kitaplarnıñ berniçäse genä.

Tarix institutı tarafınnan uzğan yılnı barlığı 40 kitap çıqqanı bilgeläp uzıldı. 30 avgustqa, yäğni Qazannıñ 1000 yıllıq bäyrämenä äle tağın 15 fänni xezmät dönya küräçäk ikän. Ämma elek çıqqan kitaplarnıñ da, näşer iteläçäkläreneñ dä küp öleşe urıs telendä buluı mäğlüm. Bu xaqta “Azatlıq” radiosına tarix fännäre kandidatı İldus Zaхidullin

Tatar telendä yazuçılarnıñ kübese awıldağı aspirantlar. Alarğa tulay toraq yuq, şul säbäple bik awır şartlarda eşlilär.

Fänni xezmätlär turında çığışlardan soñ konferensiädä sessiä eşläre başlandı. İke köngä barlığı 4 sessiä bilgelängän. Berençe sessiädä çığışlar kübräk arxeologiä qazılmaları, törle tabıldıqlar turında bardı. Arxeolog Fayaz Xucin borınğı şähärlärneñ barlıqqa kilüen bilgelär öçen metodologik alımnar qullanuın äytte. Häm bu xaqta Fayaz Xucin

Berençe çiratta cirneñ qatlamın, annarı toraqlarnı, ziratnı tikşerü tora. Barı şunnan soñ ğına şähärneñ barlıqqa kilüe turında näticä çığarıla

Fayaz Xucin kiläçäktä Qazan Kremle eçendä arxeologiä muzey buldırırğa xıyallana. Çönki barlıq tabıldıqlarnı xalıqqa kürsätü teläge belän yana.

Döres tarixnı açıqlaw öçen qazu eşläre äle küp cirdä alıp barılırğa tieş dip sanıy arxeologlar. Berniçä yıldan isä şähärneñ barlıqqa kilü yılı döres bilgelängänlekne açıqlar öçen yaña cihazlar yärdämendä tağın tikşerülär uzdıru zarur. Ämma xäzerge waqıtta küp oçraqta cir qazılıp yaña binalar salına häm şul säbäple inde cir qatlamı bozıla. Häm inde qazular alıp baru mömkin tügel. Ayıruça iske tatar bistäse öçen borçıla ikän arxeologlar.

Konferensiädä şulay uq elekke tatar-bolğar şähärçeklären öyränergä kiräklegenä basım yasaldı. Urta İdeldäge küp şähärlär bolğar däwerenä qarıy dip sanıy arxeologlar. Mäsälän, çuaş tarixçıları tikşerü eşläre alıp barğanda, Çabaqsarda bolğar çorına qarağan tabıldıqlarğa tap bulğannar. Fayaz Xucin fikerençä

Tatarstannıñ Täteş, Arça häm küp başqa şähärlär datası bilgelänmägän. Bu äle Tatarstan cirlegendä genä. Ästerxan, Sarıtaw kebek ölkälär urıs şähärläre bulıp sanala. Ä isemnäre tatar. Qaysı urıs patşası üz şähärenä tatar iseme quşar ikän.

Konferensiä irtägä üz eşen däwam itäçäk. İke sessiädä Qazan, Arça, Mäskäw ğalimnäre çığışları qaralğan.

Landış Xarrasova

XS
SM
MD
LG