Süz dä yuq, Zärqawi bügenge köndä Ğiraqtağı amerikan köçläre tarafınnan iñ ezlängän keşe bulıp tora. Anıñ üle yä tere kileş başı öçen 25 million dollar bilgeläw, bu keşe qılğan ğämällärneñ Ğiraqtağı wäzğiatkä nindi yoğıntı yasawın yaxşı kürsätä. Washington çığışı belän ürdünle 37 yäşlek Zärqawine, ildä bertuqtamıy däwam itkän intihar höcümnärneñ zur küpçeleğen oyıştıruda ğäyepli. Şularnıñ iñ dähşätleläre arasında Berläşkän Millätlär Oyışmasınıñ Bagdadtağı idaräsen bombalaw häm kürenekle şığıy ruxanie ayatolla Xäkimne üteru dä bar, soñğısı näticäsendä ğomumän, beryulı 50-dän artıq keşe hälak bulğan ide. Zärqawi şulay uq Ğiraqtağı çit il keşelären urlawda häm alarnı soñraq cäzalap üterüdä dä ğäyeplänä. Ul monı üze dä tanıp, qayberäwlärne üz qulı belän suyıp üterüen dä beldergäläp torğan ide. Ägär dä xäzer şuşı radikal'' ğisyançı ülsä, bu Ğiraqtağı wäzğiatkä nindi tä''sir yasıy ala soñ? Şotlandiädäge St.Andrews Universitetında Terror häm säyäsi çualıçlarnı öyränü üzägen citäklägän Magnus Ranstorp, Zärqawine üterü anı qayber ğiraqlılar öçen ber şähitkä äyländerä ala, Könbatış häm Ğiraq xökümäte öçen anı tere kileş qulğa töşerü näticäleräk bulır ide dip isäpli:
Audio, Magnus Ranstorp
"Ägär dä anı qulğa alıp, aña xökem bulsa, bigräk tä ul mäxkämägä Berläşkän Millätlärgä yasağan höcüme öçen tartılsa, bu anı yuq itügä qarağanda küpkä möhimräk bulır ide. Şunıñ aşa ğisyannıñ hiçyuğı ber öleşen qanunnan tış dip kürsätep bulır ide", di terror belgeçe Ranstorp. İnternetta kürengän xäbärlärgä qarağanda, Äbü Musa Zärqawineñ ber üpkäse atıp tişelgän. Ğiraqtağı amerikan xärbiläre alay da bu xäbär uñayınnan älegä tantana itärgä aşıqmıy. Alarnıñ Bagdadtağı wäkile Steven Boylan, Zärqawineñ yaralanuı turındağı xäbärne äle tikşeräse bar, döresme ul, yalğanmı, bilgele tügel dip belderä. Xärbilär şulay uq, bu Zärqawineñ ezen cuydıru tırışlığı da bula ala digän faraz äytä, amerikannar soñğı könnärdä, aña yaqın torğan 20-dän artıq keşene qulğa aluın xäbär itkän ide. Sişämbe könne dä Ğiraq prezidentınıñ iminlek ölkäsendäge kiñäşçese general Wafiq Samari äl-Cäziyrä telekanalına, xökümät köçläre Zärqawineñ iñ yaqın keşesen qulğa aldı dip belderde. Şular sürätendä Zärqawi, üze tiräsendä qamawnıñ tarayuın sizep, Quşma Ştatlar ğäskärilären ezennän töşerergä mataşa ala dip uylıy amerikan yağı. Anıñ yaralanu ixtimalı turındağı xäbär älegä Bagdadta ğına bik äwzem tikşerelä.
Audio, vox-pop
"Ägär dä ul, yäğni Zärqawi äle haman da isän bulsa, min anıñ tizräk dömegüen telär idem, Ğiraq xalqına ul şundıy zur zian kiterde" di şuşı Bagdad keşese.
Kärim Kamal
Audio, Magnus Ranstorp
"Ägär dä anı qulğa alıp, aña xökem bulsa, bigräk tä ul mäxkämägä Berläşkän Millätlärgä yasağan höcüme öçen tartılsa, bu anı yuq itügä qarağanda küpkä möhimräk bulır ide. Şunıñ aşa ğisyannıñ hiçyuğı ber öleşen qanunnan tış dip kürsätep bulır ide", di terror belgeçe Ranstorp. İnternetta kürengän xäbärlärgä qarağanda, Äbü Musa Zärqawineñ ber üpkäse atıp tişelgän. Ğiraqtağı amerikan xärbiläre alay da bu xäbär uñayınnan älegä tantana itärgä aşıqmıy. Alarnıñ Bagdadtağı wäkile Steven Boylan, Zärqawineñ yaralanuı turındağı xäbärne äle tikşeräse bar, döresme ul, yalğanmı, bilgele tügel dip belderä. Xärbilär şulay uq, bu Zärqawineñ ezen cuydıru tırışlığı da bula ala digän faraz äytä, amerikannar soñğı könnärdä, aña yaqın torğan 20-dän artıq keşene qulğa aluın xäbär itkän ide. Sişämbe könne dä Ğiraq prezidentınıñ iminlek ölkäsendäge kiñäşçese general Wafiq Samari äl-Cäziyrä telekanalına, xökümät köçläre Zärqawineñ iñ yaqın keşesen qulğa aldı dip belderde. Şular sürätendä Zärqawi, üze tiräsendä qamawnıñ tarayuın sizep, Quşma Ştatlar ğäskärilären ezennän töşerergä mataşa ala dip uylıy amerikan yağı. Anıñ yaralanu ixtimalı turındağı xäbär älegä Bagdadta ğına bik äwzem tikşerelä.
Audio, vox-pop
"Ägär dä ul, yäğni Zärqawi äle haman da isän bulsa, min anıñ tizräk dömegüen telär idem, Ğiraq xalqına ul şundıy zur zian kiterde" di şuşı Bagdad keşese.
Kärim Kamal