Bu könnärdä genä Qazannıñ Arça ziratında berniçä distä yähüd qäberläre mäsxärä itelde. Andağı qäber buyawlar belän taşlarına svastika yasalıp çıqqan ide. Älege wäxşilek tiz arada zur şaw-şu quptardı. Moña qädär milli tınıçlıq, tolerantlıq ürnäge bulıp torğan Tatarstan öçen bu yat küreneşne tikşerü organnarı tiz arada açıqlarğa kereşte. Belgeçlär isä, bu adım meñ yıllıq Qazan tantanaları aldınnan maxsus kemnärder tarafınnan eşlänä dip belderdelär. Şul uq waqıtta, Yevropa şurasınıñ keşe xoquqları komissarı Alvaro Gil-Robles Qazanda köz aylarında Xalıqara dinara ürnäk konferensiä uzdıru täqdime belän çıqtı. Älege konferensiä dinnär arasındağı tınıç mönäsäbätlärneñ ürnägen Yevropa illärenä dä Tatarstan misalında kürsätüne maqsat itep quya. Bu çarağa Rusiä pravoslavlarınıñ baş ataqayı Aleksiy ikençe dä, Rusiä möftiläre şurası räise Rawil Ğäynetdin dä rizalıq birgännär. Arça ziratındağı wäxşilek tä menä şundıy çaralar aldınnan Tatarstannı pıçratırğa tırışu dip bäyälilär belgeçlär.
Ä bu könnärdä genä Tatarstan başqalası tağın ber çarağa äzerlänä. TÜRKSOY mädäniätne üsterü buyınça xalıqara oyışma Daimi Şurasınıñ 22 utırışı 30 mayda Qazanda ütäçäk. Ul 1 yüngä qädär bara. Älege xalıqara oyışma törki däwlätlärneñ mädäniät ministrlıqları tarafınnan oyıştırılğan. Qazanda ütäçäk çarağa da, törki däwlätlärneñ küp kenä mädäniät ministrları kiläçäk. Alar arasında, TÜRKSOYnıñ general direktorı, Äzärbäycan mädäniät ministrı Polad Bül Bül oğlı, Törkiä mädäniät ministrı Atilla Köç häm başqa räsmilär dä bar.
Ä bu könnärdä genä Tatarstan başqalası tağın ber çarağa äzerlänä. TÜRKSOY mädäniätne üsterü buyınça xalıqara oyışma Daimi Şurasınıñ 22 utırışı 30 mayda Qazanda ütäçäk. Ul 1 yüngä qädär bara. Älege xalıqara oyışma törki däwlätlärneñ mädäniät ministrlıqları tarafınnan oyıştırılğan. Qazanda ütäçäk çarağa da, törki däwlätlärneñ küp kenä mädäniät ministrları kiläçäk. Alar arasında, TÜRKSOYnıñ general direktorı, Äzärbäycan mädäniät ministrı Polad Bül Bül oğlı, Törkiä mädäniät ministrı Atilla Köç häm başqa räsmilär dä bar.
Räfis Cämdixan
