Accessibility links

Кайнар хәбәр

Bakiev korrupsiägä häm yarlılıqqa qarşı köräşergä wäğdä itä


Qırğızstannıñ waqıtlı prezidentı Kurmanbek Bakiev üze citäkçelegendäge yaña xökümätneñ töp burıçları dip korrupsiägä häm yarlılıqqa qarşı köräşne atadı. Bakiev bügen Vienada Yewropada İminlek wä Xezmättäşlek Oyışmasınıñ daimi şurası utırışında çığış yasadı. Bakiev Qırğızstanda korrupsiä tormışnıñ barlıq ölkälärenä dä ütep kergän häm xökümät aña qarşı köräşergä tırışa dide. Elegräk Bakiev şulay uq Qırğızstan yaqınlaşıp kilüçe prezident saylawlarına qarata Yewropada İminlek wä Xezmättäşlek Oyışmasınıñ berniçä kiñäşen qabul itte dide.

AUDİO: Belüegezçä, Oyışmanıñ Demokratik institutlar häm keşe xoquqları idaräse Qırğız Respublikasında waqıtınnan alda prezident saylawları ütkärügä yardämçel kiñäşlär äzerläp parlament äğzalarına häm üzäk saylaw komissiäsenä tapşırdı. Bez ul kiñäşlärneñ küpçelegen qabul ittek. Prezident saylawları 10-nçı iyüldä ütäçäk.
XS
SM
MD
LG