Fälestin törkemnäre İzrail'neñ Gazadağı suğışçılarğa kiçäge hawa höcüme Yaqın Könçığışta höcümnärne tuqtatu kileşüen qurqınıç astına quya dide.
Hamas suğışçan törkeme süzçese Fälestin citäkçese Mäxmüt Abbasnıñ köç qullanudan tıyılırğa çaqıruın kire qağıp üç alu häm üz-üzebezne saqlaw xoquqıbız bar dide.
Fälestin İdaräse häm citäkçelekneñ Fatah partiäse dä İzrail'ne köç qullanular siklın tiränäytüdä ğäyepläde. Alar köç qullanunıñ köçäyüenä yul quymas öçen xalıqara tıqşınu kiräk dide.
İzrail' hawa köçläre Gazanıñ tönyağındağı Jabalia qaçaqlar lagerına raketalar attı. Şahitlär äytüençä bu höcüm näticäsendä 2 fälestinle yaralanğan.
İzrail' xärbiläre äytüençä, İzrail' minaatqıç höcüme başlarğa äzerlänüçe suğışçılarğa höcüm itkän.
