Ufada şağir, yazuçı häm yumor ostası Marat Käbirovnıñ icat kiçäse bulıp ütte. Marat Käbirovqa nibarı 35 yäş ikänen iskä alğanda, bu bik üzençälekle kiçä. Başqortstanda andıy yäştä kiçä ütkärüneñ bu berençe oçrağı. Çarada şağir süzlärenä cırlar yañğıradı, yumor ostaları anıñ monoloğların başqardı. Kiçädä bilgele cırçılar Xäniä Färxi, Näfkät Niğmätullin häm başqa küplär qatnaştı. Çarağa kerü aqçağa buluğa qaramastan, zalda alma töşär urın da yuq ide. 29nçı may kiçä şağirneñ tuğan yağı – İleş rayonı üzäge Yuğarı Yärkäydä dä uzdı. Anda cirle xaqimiät çaranı uzdıruda yaqtaş şağirlärenä yärdäm itü urınına, törle qarşılıqlar tudırğan. Marat Käbirov Başqortstan yazuçıları arasında berdänber internet säxifäle keşe. Anıñ adresı : maratkabirov.narod.ru
