Berençe oçraq 26nçı fevral terkälgän ide. Ul könne Ufa neft texnik uniwersitetı yanında Anğoladan bulğan student tuqmalğan ide. Artaban vyetnamlı “sabağın aldı”. Şul waqıyğalardan soñ respublika prokuraturası cinayät eşe açqan ide. Nihäyät, ber törkem skinheadlar qulğa töşkän. Alar 17-25 yäşleklär. İñ yäşenä 14 yäş.Törkemdä 8 keşe. Alar üzlären Hitlernıñ däwamçısı dip sanap, anıñ tuğan könen bilgelägän, faşist simwollı kiemnär kiep, rasist eçtälekle listovqalar çığarıp, alarnı taratu belän şöğellängän. Törkem “4nçe reyx” isemen yörtkän. Alarnıñ töp doşmannarı isemlegenä afriqannar, yähüdlär häm aziatlar kergän. Alarğa 100dän 500 000 sum külämendä ştraf, yäki 5 yılğa qädär ireklärennän mäxrüm itü yanıy.
