Accessibility links

Кайнар хәбәр

Ğiraqta şartlatuçılar kimendä 25 keşene üterde, küpsanlı keşelärne yaraladı


Şartlawlar ilneñ tönyağındağı Mosul häm Kirkük şähärendä, annan könbatıştaraq urnaşqan Yöz Xurmätü şähärendä häm başqala Qabuldan tönyaq-könçığıştağı Baquba şähärlärendä buldı. Maşinalar häm mototsikllarlarğa quyılğan 4 bombanıñ kimendä öçesen intixarçılar şartlatqan. Qorbannar arasında civillär, balalar häm politsiä xezmätkärläre bar. Ber ölkä gubernatorı häm anıñ qayber tän saqçıları da ülgän. Bügen şulay uq AQŞ xärbiläre kiçä yulğa quyılğan bomba şartlawdan ber amerikan soldatı hälak buldı dip belderde. AQŞ xärbiläre äytüençä, kiçä şulay uq Bağdadtan tönyaqtağı Mişada awılı yanında intixarçı bomba şartlatıp ber ğiraqlı sivil keşene ütergän häm tağın berne yaralağan.
XS
SM
MD
LG