Rusiä, Qıtay häm Hindstan xalıqara terrorçılıqqa, röxsätsez narkotik säwdäsenä häm oyışqan cinayätçelekkä qarşı strategik berektäşlek tözü turında kileşte.
Bügen bu turıda älege öç ilneñ tışqı eşlär ministrları Vladivostokta oçraşıp söyläşkännän soñ iğlan itelde.
Qıtay tışqı eşlär ministrı Li Jaoksiñ strategik xezmättäşlek ber ilgä dä qarşı yünältelmi dide. Bu töbäktä AQŞnıñ tä'sirenä işarä bula ala.
Rusiä tışqı eşlär ministrı Sergey Lavrov bıyıl Mäskäwdä Rusiä prezidentı Vladimir Putin belän Hindstan premyer ministrı Manmohan Singh oçraşaçaq dide.
3 ilneñ ministrları bügenge oçraşuda şulay uq transport, awıl xucalığı häm energetika ölkälärendä tığızraq iqtisadıy xezmättäşlek häm tabiğat qazalarına qarşı bergäläp köräşü turında kileşte.
Alar tağın Üzäk Aziädäge totrıqsızlıqqa borçılu belderde.
