Pekin -- 1989 yılda Pekinnıñ Tiananmen mäydanında bulğan qanlı waqiğalarnıñ 16 yıllığı uñayınnan bügen mäydända köçäytelgän iminlek çaraları kürelä. Bernidi iskä alu çaraları küzätelmi. Berdän-ber iskä alu çarası bügen Hong-Kongta ütte. Qullarına şämnär totqan distälägän meñ keşe uramğa çığıp, moñlı cırlar cırladı. Qıtaynıñ komunistlar partiäse küp kenä çikläwlärne alsa da, Tian-an-men waqiğasın iskä alularnı äle dä tıyıp kilä. 1989 yılnıñ 3-4 Yünendä studentlar demonstratsiäse tanklar belän bastırılğan ide. Näticädä yözlägän sudent häläk buldı. Qayber tänqitçelär ul könne qorban bulğannarnıñ sanı meñgä yaqın dip belderä.