Bağdad -- Bügen Ğiraqta bulğan höcümnär näticäsendä kimendä 17 keşe häläk bulğan, berniçäse yaralanğan. Bağdadtan 200 çaqırım yıraqlıqtağı Hawia qalasında şartlatqıç tutırılğan 3 maşina şartlatılğan. Qorbannar arasında Ğiraq xärbiläre, politsiä wäkilläre, sivil keşelär bar. Associated Press xäbär itüençä, könyaqtağı Basra qalasında ber sönni ruxanie atıp üterelgän. Fallucadağı häcümnär näticäsendä ike amerikan xärbie häläk bulğan.
