Vladikavkaz -- Tönyaq Osetiä parlamentı bügen parlament räise Taymuraz Mamsurovnı respublikanıñ yaña citäkçese itep rasladı. Bu urınğa anı Rusiä prezidentı Vladimir Putin täqdim itkän. Respublikanıñ elekke prezidentı, 71 yäşlek Aleksandr Dzasoxov uzğan atnada üz teläge belän wazifasınnan kitüen belderägän ide. Uzğan yılnıñ sintäberendä Beslan mäktäbendä bulğan totıq alu faciğäsennän soñ, qorbannarnıñ tuğannarı anı urınınnan kitergä taläp itte. Bügen ük Aleksandr Dzasoxov Tönyaq Osetiäneñ Federatsiä Şurasındağı wäkile itep saylandı.
