23 yäşlek Hamid Hayat häm anıñ ätise 45 yäşlek Ömär Kaliforniäneñ Lodi şähärendä uzğan yal könnäre qulğa alındı. Alar ikese dä räsmilärgä yalğan mäğlümat birüdä ğäyeplänä. Başta Hayat Al-Qaeda oyıştırğan xärbi lagerda bulğanın äytmägän bulğan.
Prokuror Scott McGregor, çärşämbe könne, Hayat lagerda Amerikada terror höcümnäre oyıştırırğa öyrängänen rasladı, dip belderde:
"Hamid Paqstanda, 2003 belän 2004nçe yıllar arasında yaqınça 6 ay cihad öyränüläre lagerenda bulğanın rasladı. Ul şulay uq lagernı Al Qaeda keşeläreneñ oyıştırğanın häm anda niçek itep amerikannarnı üterergä öyrätkännären söyläde," dide prokuror.
İlneñ qarşı yağındağı Florida ştatında elekke universitet professorı, Kuwaitta tuğan fälestinle Sami Al-Arian häm tağın 3 keşe östennän xökem eşe bara. Alarğa belderelgän ğayepläw – terror oyışmalarına yardäm itü turındağı ğayepläwgä citärlek dälillär tabılsa – dürtese dä ğömerlek törmä cäzası alaçaq.
Al-Arian inde 1993nçe yıldan birle Quşma Ştatlarnıñ baş bäläse buldı. 2 yıl elek qulğa alınğançı anıñ yaqınça 400 meñgä yaqın telefon söyläşüe yazıp alındı. Xökümät ğäyepläwläreneñ nigezen Al-Ariannıñ şul telefon söyläşüläre, aqça küçerüläre, İzraelgä qarşı çığışları täşkil itä.
Ğäyeplänüçeneñ advokatları, xökümät bu eşne artıq qarañğı itep kürsätä, dip sanıy. Şulay uq anı yaqlawçılar süzlärenä qarağanda, Al-Arian küçergän aqçalar – fälestinnärgä xäyriä aqçası ide, häm İzraelgä qarşı üz fikerlären beldergäne öçen anı xökem itep bulmıy.
Bik küp fälestin mäsälälären yaqlağan Waşingtonda yäşäwçe yazuçı Raeed Tayeh süzlärençä, prezident George Bushnıñ yustisiä departamentına bu yuğarı däräcäle xökem eşen ciñü kiräk. Ämma bäysez yustisiä sisteması Al-Arian häm başqa ğäyeplänüçelärgä qarata ğadel möğämälä kürsäter digän ömettä qalam, dide Tayeh:
"Alar zur ixtimal belän mäxkämä aldına da çığar, xökümät cıyğan uydırma ğäyepläwlärneñ dälilläre dä tabılır. Ämma nigezdä mäxkämädä alar ğadel xökem qararı alır dip ışanam," dide Tayeh.
Waşingtonda xosusi tikşerülär üzäge, Miras Waqıfında terrorçılıq häm milli iminlek uqığan James Phillips bu mäsälägä başqa törle qaraşta tora. Azatlıq radiosına birgän äñgämäsendä ul, professor Al-Arian üz qaraşları öçen xökem itelmi, häm advokatlarnıñ süz irege turındağı dälilläre monda urınsız, dip belderde.
"Professor Al-Arian üzeneñ tikşerüläre yä fikerläre öçen xökem itelä dip uylamıym. Aña terrorçılarğa yardäm itüdä, keşelärne üterüdä ğäyepläw belderelgän. Üz fikerlären belderergä anıñ xoquqı bar, ämma cinäyät qılğan bulsa, anı süz irege yäisä tikşerülär irege belän aqlap bulmıy," dide Phillips Azatlıqnıñ Waşingtondağı xäbärçesenä.
Belgeçlär fikerençä näticälär yasıy başlağançı iñ yaxşısı mäxkämä eşe barışın küzätep barırğa, ul isä ozaqqa suzılırğa mömkin. Uzğan atnada başlanğan xökem eşe kimendä 6 ay däwam itä ala.
Alsu Qormaş
"Hamid Paqstanda, 2003 belän 2004nçe yıllar arasında yaqınça 6 ay cihad öyränüläre lagerenda bulğanın rasladı. Ul şulay uq lagernı Al Qaeda keşeläreneñ oyıştırğanın häm anda niçek itep amerikannarnı üterergä öyrätkännären söyläde," dide prokuror.
İlneñ qarşı yağındağı Florida ştatında elekke universitet professorı, Kuwaitta tuğan fälestinle Sami Al-Arian häm tağın 3 keşe östennän xökem eşe bara. Alarğa belderelgän ğayepläw – terror oyışmalarına yardäm itü turındağı ğayepläwgä citärlek dälillär tabılsa – dürtese dä ğömerlek törmä cäzası alaçaq.
Al-Arian inde 1993nçe yıldan birle Quşma Ştatlarnıñ baş bäläse buldı. 2 yıl elek qulğa alınğançı anıñ yaqınça 400 meñgä yaqın telefon söyläşüe yazıp alındı. Xökümät ğäyepläwläreneñ nigezen Al-Ariannıñ şul telefon söyläşüläre, aqça küçerüläre, İzraelgä qarşı çığışları täşkil itä.
Ğäyeplänüçeneñ advokatları, xökümät bu eşne artıq qarañğı itep kürsätä, dip sanıy. Şulay uq anı yaqlawçılar süzlärenä qarağanda, Al-Arian küçergän aqçalar – fälestinnärgä xäyriä aqçası ide, häm İzraelgä qarşı üz fikerlären beldergäne öçen anı xökem itep bulmıy.
Bik küp fälestin mäsälälären yaqlağan Waşingtonda yäşäwçe yazuçı Raeed Tayeh süzlärençä, prezident George Bushnıñ yustisiä departamentına bu yuğarı däräcäle xökem eşen ciñü kiräk. Ämma bäysez yustisiä sisteması Al-Arian häm başqa ğäyeplänüçelärgä qarata ğadel möğämälä kürsäter digän ömettä qalam, dide Tayeh:
"Alar zur ixtimal belän mäxkämä aldına da çığar, xökümät cıyğan uydırma ğäyepläwlärneñ dälilläre dä tabılır. Ämma nigezdä mäxkämädä alar ğadel xökem qararı alır dip ışanam," dide Tayeh.
Waşingtonda xosusi tikşerülär üzäge, Miras Waqıfında terrorçılıq häm milli iminlek uqığan James Phillips bu mäsälägä başqa törle qaraşta tora. Azatlıq radiosına birgän äñgämäsendä ul, professor Al-Arian üz qaraşları öçen xökem itelmi, häm advokatlarnıñ süz irege turındağı dälilläre monda urınsız, dip belderde.
"Professor Al-Arian üzeneñ tikşerüläre yä fikerläre öçen xökem itelä dip uylamıym. Aña terrorçılarğa yardäm itüdä, keşelärne üterüdä ğäyepläw belderelgän. Üz fikerlären belderergä anıñ xoquqı bar, ämma cinäyät qılğan bulsa, anı süz irege yäisä tikşerülär irege belän aqlap bulmıy," dide Phillips Azatlıqnıñ Waşingtondağı xäbärçesenä.
Belgeçlär fikerençä näticälär yasıy başlağançı iñ yaxşısı mäxkämä eşe barışın küzätep barırğa, ul isä ozaqqa suzılırğa mömkin. Uzğan atnada başlanğan xökem eşe kimendä 6 ay däwam itä ala.
Alsu Qormaş