Yevropa citäkçeläre bügen törle illärdä Yevropa Berlege konstitutsiäneñ kiläçäge häm büdjet tiräsendäge qarşılıqlar turında söyläşülär alıp bardı. Fransiä prezidentı Jacques Chirac Parijda Germaniä kanslerı Gerhard Schröder belän oşraştı. Chirac, Fransiä häm Niderlanda ütkän referendumnarnıñ tiskäre näticäsenä qaramastan, konstitutsiäne raslaw eşe däwam itergä tieş dide. Britaniä isä referendumnı kiçekterüe turında belderde. London belän Parij arasındağı tağın ber qarşılıq - Yevropa Berlegeneñ büdjetına qağılıp, Chirac, Britaniäne qarşı adım atlarğa çaqırdı:
"Bezneñ britan duslarıbız añlarğa tieş: zamanalar üzgärä, xäzer bezneñ härberezdän kübäräk ğädellek taläp itelä."
Berük waqıtta Chirac, Berlekneñ awıl xujalığı çığımnarı kileşüe mäsäläsendä çigenergä telämi. Anda fansuz fermerlarına iñ zur yärdäm qaralğan. Ul arada, Vışehrad törkemenä kergän 4 il – Çexiä, Macarstan, Polşa häm Slovakiä premier-ministrları da bügen Polşada ütkän oçraşulaırnda Berlek konstitutsiäsen raslaw eşe däwam itergä tieş dip belderdelär.
"Bezneñ britan duslarıbız añlarğa tieş: zamanalar üzgärä, xäzer bezneñ härberezdän kübäräk ğädellek taläp itelä."
Berük waqıtta Chirac, Berlekneñ awıl xujalığı çığımnarı kileşüe mäsäläsendä çigenergä telämi. Anda fansuz fermerlarına iñ zur yärdäm qaralğan. Ul arada, Vışehrad törkemenä kergän 4 il – Çexiä, Macarstan, Polşa häm Slovakiä premier-ministrları da bügen Polşada ütkän oçraşulaırnda Berlek konstitutsiäsen raslaw eşe däwam itergä tieş dip belderdelär.
