Accessibility links

Bişkäktä Qırğıstan deputatı atıp üterelgän


Bişkäktä Qırğıstan parlamentı deputatı, Eşquarlar berläşmäse räise Jırğalbek Surabaldiev üterelgän. Aña ofis işek töbendä berniä tapqır atqannar. Parlament äğzası Kubatbek Baibolov süzlärençä, bu üterüneñ berniçä säbäbe bula ala:

"Monda berniçä säbäb bula ala, milek bülüdän alıp säyäsätkä qädär. Älegä äytü qıyın. Monıñ parlamentqa tiskäre yoğıntısı zur bulaçaq. Ber ay eçendä deputatlarğa inde 2 häcüm buldı. Älbättä monı tikşerergä kiräk."

Surabaldievnıñ cinayätçelek belän bäyle bulğanı mäglüm. Älege mäsälä küptän tügel parlamentta da tikşerelde. Ul şulay uq, Mart ayında Aakevnı yaqlap, xökümät taraflı mitinglar oyıştırğan keşe bularaq mäglüm. Qırğız parlamentı bügenge üterüdän soñ ğädättän-tış utırışqa cıyıldı.
XS
SM
MD
LG