Luxemburg -- Yevropa Berlegeneñ 2007-2013 yıllarğa büdjetı tiräsendä bäxäslär däwam itä. Bu bäxäslär üzägendä - Britaniäneñ büdjettağı öleşen qaytaru mäsäläse. Berlektä räislek itkän Luxemburg premier-ministrı Jean-Claude Juncker'nıñ şuşı mäsälädä yasağan täqdimen Britan premier-ministrı Tony Blair bügen kire qaqtı. Blairnıñ süzçese äytüençä, bu täqdim Britaniägä 30 milliard yevroğa töşäçäk. Blair bu mäsäläne kiñräk kimäldä, Berlektäge reformalar qısasında awıl xujalığına qaralğan yärdäm belän bäyläp tikşerergä täqdim itä. Fransiä moña qarşı çığa. Luxemburğta Juncker belän bulğan söyläşülärdän soñ, Blair, Fransiä prezidentı Jacques Chirac belän oçraşu öçen Parijğa oçtı.
