Bügen Dağıstan Millät Mäclese prezident Magomedali Magomedovnıñ urınında qalu-qalmawın xäl itergä tieş ide. Utırışta qatnaşır öçen Maxaçkalağa Rusiä prezidentınıñ könyaq Rusiädäge wäkile Dmitriy Kozak ta kilep kitte. Magomedov Dağıstannı 1991nçe yıldan birle citäkläde. Anıñ urınınnan kitüen Mäskäw Kremle yaqlıy, dip farazlana.
Kavkazdağı respublikalar başlıqlarınıñ alışınuı däwam itä. Ay başında wazifasınnan Tönyaq Ossetiä prezidentı Aleksandr Dzasoxov kitte, Qaraçay-Çerkessiä prezidentı Mostafa Batdıyev da kitergä cıyına digän xäbärlär bar.
İnguşetiä parlamentı bügen Murat Zyazikovnı prezident urınında rasladı.
