Qazaxstanda bügen açılğan xalıqara eşquarlar cıyınında tışqı eşlär ministrı Kazımjomart Tokayev, Qazaxstan ildäge amerikan mänfäğätlären yaqlarğa äzer, dip belderde. Qazaxstandağı çit il invetsisiälärneñ yartısı – AQŞnıqı. Tokayev kürşe Qırğızstan häm Üzbäkstanğa da kiräk bulsa yardäm itergä wäğdä itte, häm "Bez bu illärdäge xällärne yaqınnan küzätep torabız, bu däwlätlärneñ xalıqlarına totrıqlılıq häm çäçäk atunı telibez, häm bu illär awırlıqlarnı ciñer digän ömettä qalabız, " dide Tokayev.
Şulay uq Qazaxstan Äfğanstan iqtisadın ayaqqa bastıruğa da üz öleşen kertergä äzer. Tokayev süzlärenä qarağanda, Astana Äfğan xökümätenä üz täqdimnären cibärgän inde.
