Rusiä başqalasınnan könbatışqa taba 200 çaqrım yıraqlıqta bulğan yök poezı häläkäte häm mazutnıñ yılğağa elägüe – Mäskäw xalqına da qurqınıç tudıra ala. Çärşämbe könne 26 vagonlı poez timer yuldan töşep yılğağa 60tan alıp 300 tonnağa qadär yağulıq aqtı. Tabiği çığanaqlar ministrlığında tirä yaq möhitne küzätü bülege başlığı urınbasarı Oleg Mitvol süzlärenä qarağanda, ägär aşığıç räweştä tieşle çaralar kürelmäsä , Mäskäwdäge eçär su ağulanaçaq. Mazut Vazuza yılğasına eläkkän, bu yılğa isä İdelgä taba ağa.
Häläkätneñ näticälären beterü bik sülpän bara, Mitvol, monıñ säbäplären tikşerer öçen cinäyät eşe açılaçağın belderde.
