Könyaq Korea, Tönyaq, kiläse ayda atom programması turındağı söyläşülärenä kire qaytırğa teläk belderde, dip xäbär itte. Bügen irtän Könyaq Koreanıñ Berläşü ministrı Çung Dong-young Pxenyanda Tönyaqnıñ ilbaşı Kim Çen-İr belän oçraştı.
Tönyaq Korea, ägär dä Waşington Pxenyannı "partner" bularaq qabul itsä, söyläşülärne yañartarğa äzer bulğanın beldergän.
Amerikanıñ üzenä bulğan säyäsätenä qarşılıq yözennän Tönyaq Korea 6 yaqlı söyläşülärgä 1 yılğa yaqın qatnaşmadı. Tönyaqnıñ atom programması tiräsendäge qarşılıqnı çişü söyläşülärendä şulay uq Qıtay, Yaponiä, Rusiä, Amerika Quşma Ştatları häm Könyaq Korea qatnaşa.